Populiarios Biblijos eilutės iš मत्ती 11

Dalintis

मोउं केईं एईए तुस सोब, जे मेहनत कर कइ थको असे त परेशानी बेलिए दबीए असे, अउं तुसी अराम देन्ता।

में बोके जूंण अपु मन अन्तर करे त मोउं केआं शिचे; किस कि में गुण हर किछ सेहण करणे बाड़ा त मन अन्तर दया रखणे बाड़ा भो। त तुसी अपु मन अन्तर अराम मेता।

किस कि में बोके जूंण सुख्तु त में भारा पोला असा।”

तोउं तेन तेन्हि जे बोलु, “में बोउए मेन्धे सोब किछ दुतो असु; बोउ छड़ कइ कोई कुआ न जाणते; त कुआ छड़ कइ होर कोई बोउ न जाणते; होर सिर्फ से मेह्‍णु जाणते जेस पुठ कुआ अपु बोउ प्रगट करण चहन्ता।

यीशु जवाब दिता, “जे कुछ तुस शुणते या हेरते, घेई कइ सोब यूहन्ना जे बोलीण दिए। अन्हे से हेरते, लटे से हंटते, कोढ़ी ठीक भोई घेन्ते, टौणे से शुणते त मरो से जीएईंते, होर जे कंगाल असे तेन्हि खुश खबरी शुणान्ते।

अगर तुस में बोक ध्यान जोई शुणियेल त तुस समझ घेन्ते।”