Populiarios Biblijos eilutės iš मत्ती 5

Dalintis

होर लोका सजीये ज़ाल़ी करे टोकरु थंईं नांई पर दीवटा पैंदे डाहंडा, तेबा घरा रे सभी लोका बे प्रयाषा पूजा। तेऊ साबे थारा प्रयाषा मणशा रे सामने चमके कि त्याह थारे भले कामा भाल़ी करे थारे बापू री, जोह स्वर्गा में साहा, बड़ाई करे।

तमें संसारा री ज्योति साहा। जोह नगर पहाड़ा में बसुदा साहा सह गोझी नांई सकता।

धन्य त्याह साहा, जासके मन शुद्ध साहा, किबेकि त्याह परमेश्वर हेरनअ।

धन्य त्याह साहा, जोह धार्मिकता रे भोछे होर शोखे साहा, किबेकी तमे तृप्त हुणे।

पर हाऊं तमाबे यह बोला कि आपणे बईरी संघे प्रेम डाहा होर आपणे सताउणे आलए बै प्रार्थना करा

धन्य साहा तमे जोह मना रे दीन साहा, किबेकी स्वर्गा रा राज्य त्याही रा साहा।

धन्य त्याह साहा, जोह मेल करण आले साहा, किबेकि तयाबे परमेश्वरा रे शोहरू बोलणाा।

धन्य त्याह साहा, जोह शोक करा, किबेकी त्याह शांति पाऊणी।

धन्य त्याह साहा, जोह धार्मिकता री बजा का सताउंणे, किबेकि स्वर्गा रा राज्य त्याही रा साहा।

धन्य त्याह साहा, जोह दयालु साहा, किबेकि त्याह पैंदे दया करणी।

धन्य साहा तमे, जेबा मणशा मेरी बजहा का थारी निन्दा करे, होर सताए होर झूठ बोली करे थारे बिरोधा में सब तरहा री बुरी गला बोले। जेबा एडा होए तेबा तमे खुश होए होर खुशी मनाये, किबेकि तमाबे स्वर्गा में जोह इनाम डाहूदअ साहा सह बहु बडअ साहा। किबेकी बहु वक्ता पहिले भविष्यद्वक्ता भी, ईऊ साबे त्याहे सताई दे थी।

धन्य त्याह साहा, जोह नम्र साहा, किबेकि त्याह धरती रे अधिकारी हूँणे।

तमे धरती रा लूँण साहा; पर अगर लूँणा रा सुआद बिगड़े, तेबा कासु चीजे संघे लूँणा करना। तेहुकी सह कासी कामा लायक नांई, सीधी एतकी तणी कि बाग़े शोटे होर मणशा री ज़ांघा थंईं फिज़णे बै आसा।

एतकी तणी लोड़ी कि तमे सिद्ध बणा, जेड़अ थारअ स्वर्गीय बापू सिद्ध साहा।

पर थारी गला हाँ कि हाँ, या नांई कि नांई हो; किबेकी जोह कुछ एताका ज्यादा हुंदा सह दुष्टा का हूँदा।

तमें शूणी छेकू कि व्यवस्था में लिखू दा साहा, आछी रे बदले आछ, होर दाँदा रे बदले दाँद। पर हाऊं तमाबे यह बोला कि दुष्टा रा बिरोध नांई करना; पर जोह कोई तेरी धुरी चुंजी थप्पड़ बाहे, तेऊ फेरा बे दूजी भी फेर।

अगर तेरी धुरी आछ ताहवै ठोकर दे, तेबा तेसा काढी करे फंकी दे; किबेकि ताहबे यह भला साहा कि तेरे अंगा मेज़ा का एक अंग नष्ट होए होर तेरा सारा शरीर नरका री आगि मे नांई पडू लोडी। अगर तेरअ धुरअ हाथ ताहबे पापा री बजाह बणा, तेबा तेऊ काटी करे फेकी दे; किबेकि ताहब यह भला साहा कि तेरे अंगा मेज़ा का एक नष्ट होए होर तेरा सारा शरीर नरका में नांई पड़े।