Populiarios Biblijos eilutės iš Jaratılıs 17

Dalintis

Ibram toqsan toǵız jasta bolǵanda, Jaratqan Iye oǵan kórinip: – Men Qúdireti kúshli Qudayman. Meniń jolım menen júr hám minsiz bol.

Endi seniń atıń Ibram emes, al Ibrayım boladı. Sebebi Men seni kóp xalıqlardıń babası qılaman.

Men seniń menen hám sennen keyingi urpaqlarıń menen keleshek áwladlarǵa ótetuǵın máńgilik kelisim dúzemen: Men seniń hám sennen keyingi urpaqlarıńnıń Qudayı bolaman.

– Meniń seniń menen dúzetuǵın kelisimim mınaw: sen kóp xalıqlardıń babası bolasań.

Sonda Quday oǵan bılay dedi: – Yaq, hayalıń Sara saǵan ul tuwıp beredi. Sen onıń atın Ísaq dep qoyasań. Men onıń menen hám onıń urpaqları menen máńgilik kelisimimdi dúzemen.

Házir óziń kelgindi bolıp jasap atırǵan pútkil Qanan jerin saǵan hám sennen keyingi urpaqlarıńa máńgige menshik etip beremen hám Men olardıń Qudayı bolaman.

Ibrayım et betinen jıǵıldı. Ol: «Júz jasar ǵarrıdan bala tuwıla ma? Toqsan jasar Sara bala tuwa ma?» – dep oylap, kúlip qoydı.

Quday Ibrayımǵa jáne bılay dedi: – Endigiden bılay, hayalıńdı Saray dep emes, al Sara dep shaqır.

Sizler súnnet etiliwińiz shárt. Súnnet aramızdaǵı kelisimniń belgisi boladı.

Biraq Men Óz kelisimimdi kelesi jılı usınday waqıtta Saranıń tuwatuǵın ulı Ísaq penen dúzemen.

Hár bir er bala, sonıń ishinde úyińizde tuwılǵan yamasa urpaǵıńızdan bolmay, qanday da bir shet elli adamnan satıp alınǵan qullar segiz kúnliginde súnnet etilsin. Bul áwladlar boyı dawam etsin. Olar úyińde tuwılǵan bolsa da, satıp alınǵan bolsa da, súnnet etiliwi shárt. Deneńizdegi bul belgi Meniń máńgilik kelisimimniń belgisi boladı.