Populiarios Biblijos eilutės iš Luc 7

Dalintis

Kabogu nyigutsinguli yiri durondu duandi duneni duilasi yiri masumu mandi mapuela mamatandu. Uotsu agumatandu masumu mageyi elasi yika mua durondu. Mbana Jesus amavosa na mugetu rie: Masumu magu mamatandu.

Tumba Jesus amavosa na mugetu rie: Yitu yiagu yimagugobula, wenda na buranga!

Anokota ndagu amasikama o nsima Jesus va makulu mandi. Amabanda ulila na amabotsa makulu maJesus na matsanga mandi mbana amamatsindula na nanga tsiandi; anomafifa amamagotsa muyombu.

Nyisaawelimina yiri nyugudila o ndagu ami na ngekelaba yiri nyiji uwelimina uruga ombu gagu. Kabogu vosa yika uvosa na musalitsi ami obeluga. Menu wami nyivu o tsi durumu dubivunda na nyina bagora aba nyirumi. Nyirumi umosi rie: Wenda na ewendi; nyirumi musalitsi ami rie: Vaga nana na edivayi. Jesus amakambulu ava amagululu mambu memama; amageluga ombu batu abamamudukanga na amavosa nogu rie: Nyiruyilanga nyisakalaba yitu yimunongu egugu nesi o Israel!

Va misu mogu Jesus amabelusa bibedu na bibomfi na amapalisa binyunyi bibi na amatiemusa bidunga. Amabagabusila rie: Wendanu noyetsingula Jean adi dutsilaba nogulu, diwendi rie: bidunga bikalaba, bitsondu bigemuetsonduga, bibedu binyambi bikabelusu, madiba makagulu, bamfumbi bakarambuga na Musamu Uboti ukasamunu ombu bijaga.