Populiarios Biblijos eilutės iš Kejadian Uram 6

Dalintis

Ato kuramnyi ba, Er Iya Erebdobnyi biryi, “Se, ninyi yala ara talyi kikniboka tukwetam kam deiranse,” tenebmou.

Ura, Er Iya Erebdobnyi biryi diramwe uca, tukwetam ninyi ara yu kanya akwe boboka ordaramnyi.

Uca, Nuh bira Er Iya Erebdobnyi biryi teleb tenen dinyi akwe kunuramwe deyok aryi Er kanyi deiamwe.

Nuh bira ato kubde yanamwe. Nuh bira er mabwe winiryi sal akwe deiamwe. Er mabwe si ara Sem ab, Ham ab, Yafet ab deiamwe. A talak kuramnyi ninyi kankan ara Nuh bisi telebto dinyi akwe kununanyi nun kuramwe. Ani, Nuh bira Er Iya Erebdobnyi ab uram tonkwa sisingnandei.

Ura, A deyok aryi Er Iya Erebdobnyi biryi ato ebmou, “Ninyi ab, kamyoa tukwe dam yibarande dinyi ab, imtam langlang eryibarande dinyi ab nirya kikniboka, tukwetam a kabdeibsa nirya kum dandeibokwan,” ebmou.

A talak ara ato kuboka ninyi yaldakde baramnyi. Ani, tukwetam nirya ninyi yubwa ilinto yaldakoka, kam nerabwe ilinto nebtabakde baramnyi. Ato kuboka ninyi sirik nermabwe ara urasin teleb-teleb nerabwe akwe nerdaramnyi. A deyok aryi Er Imtamnyi mabwe aryi diramnyi uca, a nerabwe asi sun kanyi kuramwe. Ura, sun kanyi kubne to kuboka a kam nerabwe asi dororamnyi. Ba, Er Iya Erebdobnyi biryi ato ebmou, “Ninyi sirik ara tub ab ining ab bonung akiryi sun kam kunkwaming talak ara kwalina 120 baryi demang kwalinkwaming. Ati, Ni isin ara ninyi sirik nong umbura dam iya kum kubkwande. Eda, tiya kunmaci ani, kum dandobci ura, dinkwaming,” ebmou. A talak ara tukwetam ninyi ara weika koukwe ninyi neramnyi. Ani, o talak kubde baramnyi talak ababyi weika koukwe ninyi neramnyi. A nang ara mikib weik nang kuramnyi asi yuk nang aryi sun si weik ereramnyi. Ato kuramnyi talak ara Er Imtamnyi mabwe aryi ninyi sirik nermabwe, kam nerabwe asi doboka mi deirdongoramnyi.

Ato ebmou ura, Er Imtamnyi biryi ersi ebdeibmou to nirya dangbisina kum uca, kunuboka sirya memebmou.

Ura, Er Iya Erebdobnyi biryi Nuh bisi ato ebmou, “Tukwetam lulungdur dinyi kiknibse dinyi nirya ara malyito akwe kubdanin yibanungci, tukwetam asi malyi kimnung ati, kamyoa yuk-yuk dinyi babyi, ninyi babyi, tukwe ab tonkwa kum dandeibkun.

Ati, kanci co si gofir aryi weik me deici yiban aia kiknibdum. A me deici yiban aia kiknibkwamarim ara ai yuk-yuk wiliboka-wiliboka kiknibkwandum. Ukubminyi ura, baitam babyi aitam babyi ara co iya aryi denebkwandum.

Ura, Er Iya Erebdobnyi biryi diramwe uca, tukwetam ninyi kuramnya nirya ara teleb dinyi ton kum kuramiryi, yu kanya akwe boboka ninyi malya limdon ordaroramnyi.

Ani, tonda tukwetam kururci isin nebneb erande kamyoa nirya yim ton ner ton boboka dongobkwandum. A dongoryankwamarim dinyi ara kan ab tonkwa kam kubkwandum dinyi dongoryankwamarim.