Populiarios Biblijos eilutės iš Kutachika 1

Dalintis

Nzambi wahosheli nindi, Twilenu muntu wudi neyi chitwekaletu, adifwani nanetu, akekali mwanta niwawanshi amukaluŋalwiji, niwawatuda amuluzwizu, niwawanyama, niweseki dejima, niwayuma yazalalaŋa hamaseki yejima. Nzambi yoleŋa nimuntu neyi chekalayi yomweni, chochekalayi Nzambi dichi chamuleŋeliyi; wayileŋeli niiyala nimumbanda.

Nzambi wayikiswilili nkisu, Nzambi hakuyila nindi, Semununenu, muvuleŋa, muwanini heseki, mudovwahishi; ikalenu anyanta niawanshi amukaluŋalwiji, niawatuda amuluzwizu, niayuma yayumi yejima yendaŋa hamaseki.

Hatachi Nzambi waleŋeli nimawulu nimaseki.

Maseki adiŋi akadi nimwayawu, adiŋi amukunkulu; hewulu denyiŋi hadiŋi mwidima. Spiritu WaNzambi wadiŋi nakuhitahita hewulu damenji.

Nzambi wahosheli nindi, kwikali chejeji. Kwikala nichejeji to-o.

Nzambi wamweni yuma yejima yeliliyi nindi yinawahi nankashi. Kwila nimelela, kwila nintetemena, ifuku damuchitanu nadimu.

Nzambi wamweni chejeji nindi chinawahi; Nzambi waambwili chejeji namwidima.

Nzambi wahosheli nindi, Talenu, nayinki yisakola yejima yasoŋaŋa mbutu yekala mwahita iseki dejima, ninyitondu yejima yikweti nyikabu yekala nanyisoka mukachi kayu; yakela kudya kwenu.

Nzambi watúmbili chejeji nindi, Mwaana, mwidima wawutúmbili nindi, Wufuku. Kwila nimelela, kwila nintetemena, ifuku dimu.

Nzambi wahosheli nindi, Mukachi kamenji mwikali luzwizu, lwambuli menji namenji.

Nianyama amumpata ejima, niatuda amuluzwizu ejima, niyuma yazalalaŋa hamaseki yejima yikweti wumi, nayinki nyitondu yituuta yejima yiikali kudya kwawu; chila nikwila.

Nzambi wahosheli nindi, Muluzwizu mwikali yuma yakutoŋeka, kulonda kwambula nimwaana niwufuku; yakekali yinjikijilu, yayilaaka, yamafuku, niyanyaka

Nzambi wahosheli nindi, Hamaseki hameni nimatahu, niyisakola yasoŋaŋa mbutu, ninyitondu yasoŋaŋa nyikabu yikweti nyisoka yayu, iwu namwawu, iwu namwawu, hamaseki; chila nikwila.

Nzambi welili luzwizu, waambwili menji, awa kwishina daluzwizu, awa kwiwulu daluzwizu; chila nikwila.

Hamaseki hamena nimatahu niyisakola yasoŋaŋa mbutu, iyi namwayu, iyi namwayu, ninyitondu yasoŋaŋa nyikabu yikweti nyisoka yayu, iwu namwawu, iwu namwawu. Nzambi wayimweni nindi yayiwahi.

Nzambi welili yuma yamaneni yakutoŋeka yiyedi; chasweja kutoha chakekali mwanta wahamwaana, chakehaku chakekali mwanta wahawufuku; welili nitutumbwa nawa.

Nzambi wahosheli nindi, Menji adi mwishina dewulu apompi kwawu kumu, hawuma hamwekani. Chila nikwila. Hana hawuma Nzambi watumbiluhu ijina, nindi, Maseki; kwapompeleli menji watumbiluku ijina, nindi, Tuluŋalwiji; Nzambi wamweni nindi chinawahi.

Nzambi wayikiswilili nkisu, nindi, Semununenu muvuleŋa, inzeshenu mumenji amutuluŋalwiji niatuda avuleŋa hamaseki.

Nzambi wahosheli nindi, Hamaseki hediki yuma yikweti wumi, hamuchidi, hamuchidi, niayimuna, niyuma yazalalaŋa, nianyama amumpata hamuchidi, hamuchidi; chila nikwila.

Nzambi wahosheli nindi, mumenji mukumini dakulumbama yendu yayuma yendaŋa, yikweti wumi, niatuda atuukaŋa hewulu damaseki hejima hahita luzwizu.

Nzambi welili nianyama amumpata hamuchidi, hamuchidi, niayimuna hamuchidi, hamuchidi, niyuma yejima yazalalaŋa hamaseki hamuchidi, hamuchidi. Nzambi wachimweni nindi chinawahi.