Populiarios Biblijos eilutės iš मर्कूस 4

Dalintis

होटै होसको सोवार आँधी र टालौ छालकी हक्‍कारीचै डेया, “सान्‍ट छानो! बहो!” होटै आँधी बाहा र सान्‍ट छाना। येशूये होखुरीककी डेया, “नाखुरीक हीजै इटजाट्‍न बीर्‍हीछ? नाखुरीककी अझै विश्‍वास माले?”

चेलाको साफ्‍फी बीर्‍हीया र छक्‍क पर्‌या अनी मेखुरीक-मेखुरीक गफ जाट्‍की ठाला, “इसको सु आले? आँधी र टालै र इसकुङ कुरा मन्‍डीले!”

येशू चहीँ डुङ्‍गौ न्‍हुङ्‍लाक पटी सीरानी कार मीस्‍न ङुमन्‍या। चेलाकै होसकोकी इट डेचै सोटा, “गुरुज्‍यु, काल्‍हाको ठाम्‍ह सीकी पाम भ्‍यामे डेम नाकोकी ठाहा माले?”

येशूये होखुरीककी फेरी डेया, “नाखुरीकै ही सेमन ले होसे कुराङ ढ्‍यान यान्‍ही। हीजैडेनाङ नाखुरीकै अरुकी कुसे मानै जापार याल्‍हे होसे न मानै नाखुरीककी र याल्‍हे अनी नाखुरीककी झन वास्‍टै याल्‍हे।

येशूये फेरी डेया, “परमेश्‍वरौ राज्‍य काट भर्मी य्‍हाङ छोयो भेरेटच ल्‍याक्‍च न हो। होसे भर्मी मीस्‍नाङ र सोनाङ र नाबीक नाम्‍सीन होसे छोयो चहीँ गीट्‍ले र ल्‍होङ्‍ले, टर होसे कुटजाट्‍न ल्‍होङ्‍ले, होसे कुरा होचे मावार्‌ल्‍हे।

सुओ सेच मेन्‍केप ले, होचे सेख्‍यौ।”