Populiarios Biblijos eilutės iš Matìyò 6

Dalintis

Mbə̀ fə bi kə̀b yaʼ anug ìfɔ̀n məd bə̀ ya ghìyə̀ inug ne koʼi, ane wì biri si nàʼ ighi mbo̰ ijìm inən.

Ane, imbə̀ʼ mbə̰ nwìʼe awən ìwən nyɔd imbə̀ʼ ineg mbe ne yèʼe imbə̀ʼ icheg ne aneg ne yèʼe bèrì ìmbi tì inug. Aneg ajìm bèrì ìzi ngəʼ.”

Yeso ya chè imbìghè gha, “Imbə̀ʼ mbə̰ nwìʼe awən ìwən nyɔd imbə̀ʼ ìwən ìtḛ̀, ni gha, mbə̀ kə ghi jəg aghə kə̀ mbə̀ kə ghi no aghə? Imbə̀ʼ mbə̰ bə nwìʼe awən ìwən nyɔd imbə̀ʼ ìtən nyàmnyɔd, ni gha, mbə̀ kə ghi zì aghi? Imbə̀ʼ ìwən ìtḛ̀ chè ighijəg? Imbə̀ʼ ìtən nyàmnyɔd bə̀ chè ndwi?

Àghò mə kə̀b ni chàʼra Ŋwiye, nyi inga àze atog nəb, wùbì inuʼ nəb, chàʼra Ŋwiye ne yaʼi ìwe Mbaʼ we ne yaʼi inə̀mbi. Ane, ìwe Mbaʼ we bàrà inug mbe ne bəd mbe ghìyə̀ inə̀mbi biri nàʼ ìze chùd.

Ane, mbə̀ chaʼra Ŋwiye anìŋ: ‹Ìwa Mbaʼ ikaŋ àbɔ̀ŋɔ, Ghiyə gha bəd ghumni ìwe ikum. Àze anug ìfɔ̀n ze yeʼe, bəd igun isəg se ghìyə̀ inug mbe ne àghò kə̀bi icheg ne mbi yaʼi ikaŋ àbɔ̀ŋɔ.

Naʼa ighijəg ne koʼi ina tèchɔ̀ŋ.

Waʼ ìmba inug tibɔ̀ŋ icheg ne tì fə waʼi inug tibɔ̀ŋ abə bəd mbe ne gughi inug ina.

Imbə̀ʼ àghò saŋa awe gha àkwàʼrì nyi igun ina. Chìye awa ikye abo abə Wə̀d Tibɔ̀ŋ.›

Àghò mə waʼ inug tibɔ̀ŋ bəd, ìwe Mbaʼ we ne yaʼi ikaŋ àbɔ̀ŋɔ biri bə waʼ ìmbe tì inug tibɔ̀ŋ.

Mbə̀ nḛ tìnən. Chəyi te nyɔ̀ʼɔ̀ ighi. Chəyi te bə̀ nìŋə ighi aben chà inga ngən. Si ya gha, ìwən Mbaʼ we ne yaʼi ikaŋ àbɔ̀ŋɔ we jə awɔb. Àkə chəyi mbə̰ beri ati chè tìnən?

Yeso ya chè imbìghè gha, “Imbə̀ʼ mbə̰ nɔŋɔ awən ìmbən ighi igun isəg ne ìfùmə fɔrɔ ìsəʼə biri chìkì kə̀ məji tòʼ nəb nyi ji. Mbə̀ nɔŋɔ ìmbən ighi yaʼ ikaŋ àbɔ̀ŋɔ, asiŋi ne chəyi ìfùmə fɔrɔ ìsəʼə biri chìkì, ne chəyi məji biri bə tòʼ nəb nyi ji. Ze yaʼ ane imbə̀ʼ icheg ne asiŋi ne ìmbe ighi yaʼi angu, ìze fìŋ biri bə yaʼ angu.”

Yeso ya chè imbìghè gha, “Chəyi wə̀d mɔ̀ʼɔ angu ne tì wì fàʼ abə mə̀mbaʼ àfàʼì məbe. À ya ane imbə̀ʼ icheg ne wì biri bàn ifibì kɔ̀ŋ ìywin, kə̀ wì fàʼ abə ifibì ane ìzi fìŋ ijìm si kə̀nì ìywin. Chəyi tì àghò fàʼ abə Ŋwiye bə̀ ywìrì zì fìŋ ane anug ni bèrì ighi ane ighə̀m ifibì.”

Ŋwiye mə ya zìyè ndwi ibə̀m abə agyen ne yaʼi izɔm tèchɔ̀ŋ nɔ̀ʼ isu mbi təm màʼ inga iywid, àkə chəyi məd biri zì ndwi igun inən chè icheg ne we zìyè igun agyen? Mbə̰ ya kwàʼ bəd ne ibḛfiŋ kə!

Ze bɔ̀ŋ gha, àghò mə nàʼ ighi abə wə̀d ne chəyi àzi məd, imbə̀ʼ àghò bḛ awe gha wə̀d ne yaʼi iban ine wì kyeri aghi ne àghò nàʼi. Ghìyə ane ni gha, àfàʼì ze ne àghò fàʼi ze tḛ inə̀mbi. Àghò mə ghì ane, ìwe Mbaʼ we ne bàrà inug mbe ne bəd mbe ghìyə̀ inə̀mbi, wì biri nàʼ ìze chùd.”

Yeso ya chè imbìghè gha “Mbə̀ we awən imbə̀ʼ anug ni ya ghìyə̀ inug ne təmi kòʼ imbìghè abə bəd ni gha bəd bara awən. Mbə̰ mə̀ ya ghìyə̀ ane, nji chəyi ìwən mbaʼ ikaŋ àbɔ̀ŋɔ biri nàʼ chùd inən ane àzən àfàʼì.

Yeso ya chè imbìghè gha, “Anyumə̀ ne mbə̰ mbe chùghə njèg ni chàʼra Ŋwiye, imbə̀ʼ mbə̰ si ya sɔ̀mnɔ̀ awən icheg ne bəd mbe ne bèmnè inug mbe ghìyə̀. Bəd mbe ne bèmnè inug ya ghìyə̀ ìtɔb tìfe bə ni chwi abə bəd gha mbɔb mbe chùghə njèg chàʼrà Ŋwiye. Mə gha tesiʼ inən gha, mbɔb fə bèrì ìzɔb chùd. Anyumə̀ ne àghò we chùghə njèg chàʼrà Ŋwiye, so ìwe ìfe bə̀ sàʼ àze atog. Ane, chəyi bəd biri bàd awe kyèri gha àghò we chùghə njèg chàʼrà Ŋwiye. À ya məyi ìwe Mbaʼ we ne chəyi bəd mbe bàrà aməd biri bàd awe. Àghò mə ghì ane, ìwe Mbaʼ we ne bàrà inug mbe ne bəd mbe ghìyə̀ inə̀mbi biri nàʼ ìze chùd.”