Populiarios Biblijos eilutės iš मती 7

Dalintis

अपे असेगोड ञवन दो, भगवान अपे लगाय एमेयता। ञामगोड ञवन दो, अपे पवाव जुवाःता। दुवारपे टोकोःगोड ञवन दो, भगवान अपे लगाय गीगगोडता।

असेयता हँकुःआ होड़कू पवाःता। ञामता हँकूके पवाःता। अरू दुवारकू टोकोःगोड ञवनता हँकू लगा दुवार गीग जुवाःता।

“ईंगराः जमा कताय मनाःता हाँयग होड़ कनहूनदार इदानिया। हाँय चटइनरे नेवतेडखन ओड़ाःय तुलातेरा हाँयग होड़ इया इदानिया।

दो जेहो सकालाः एटाः होड़कूते अपे चहाःतना हनन इया हँकू सुदापे एचेय। मोसेस एमेतेरा हना नियमकूनरे अरू भगवानराः बड़रा कता होड़कूराः कागदरे ननानाः कता इदा।

ईंग अपे एचेरेयिंग कतायतना, सताय जीव अगी गोःकूता हना दुवार सेपटा इदा अरू हना दूररे सेन लगा सिकिसता इदा। अरू गुनमिन होड़कू हना दूरकू ञामता।

लायगुःराः दुवार सकड़ अरू हना दूर रिता इदा। अरू हना दुवारतेकू बोलता हँकुःआ होड़कू मुरुक बगरा इदानकुःआ। हनालगा सेपटा दुवारते भगवानराः राइजरे बोल लगापे कुरनिसगे।

अपे कसूर होड़कू इदानपे हों अँनपे लइंकू लगा नपाय नपाय जिनिसकूनपे एमेयता। दो अपेरीग सेरमो देसरीग अपापे भगवान एचेरेकू असेयता हँकुःआ होड़कू लगा नपाय जिनिसकून चिला लगा मेरेय एमेकेःआ?

तोनोंगीग होड़ अलोपे फड़ियावगेय, दो तोनोंगीग अपे हों ओरोय फड़ियावतेडपेःआ। एटाःकूपे फड़ियावता हनन इया, भगवान अपे होंय फड़ियावपेता अरू अपे सोंगगेता हनानाः तंबीते अपे लगा हों भगवान सोंगगेता।

अरू ईंग बड़रा मेरेय मनाःता हाँयग होड़ बुयांग होड़ इदानिया। हाँय बेगर नेवते बितीलरे ओड़ाःय तुलातेरा हाँयग होड़ इया इदानिया।

अपे सउंगताकूराः मेडरे चुबाः बोलोकिया हना गुंडापे ञेलतना अरू अपे अनपेराः मेडरे बोलोकिया हना चइला चिला लगा मेरपे ञेलतना? अपे अनपेराः मेडराः चइला मेरपे ञेलता दो, करा उड़ी अपे सउंगताकू एचेरेपे कता अवेयता, ईंग आम मेडरे बोलोकिया हना गुंडायिंग उडुंगगोडता, माःआन।

भगवानराः बड़रा लबरातेकू कतायता हँकुःआ होड़कू अते सवासितीपे दोहोन। हँकुःआ होड़कू अपे एचेरे भेड़ाकूराः भेसरेकू वेगता। मनदो हँकू सतायरे रमू बुःआकू इया इदानकुःआ। हँकूराः जोःओ अते अपे हँकूपे सिनहा अवेता। पोटवा दूबते लुवा जोःओ अरू पुटूस दूबते अंगूर जोःओबू गोडता जा?

नपाय सींगते नपाय जोःओ जोःता। मनदो आडयना हना सींग दूब अते, अनाड जोःओ जोःता।

नपाय सींग दूब आड जोःओ ओरो जोनेना अरू आडयना हना सींग दूब अते नपाय जोःओ ओरो जोनेना।

नपाय जोःओ मेर जोःता, हना जमा सींग दूबकून रूबकेडखनकू बाल एंडागोडता।