Populiarios Biblijos eilutės iš Juan 15

Dalintis

»Mɨ chi uva bɨɨrɨ chi piarãpẽapɨ. Mãra chi pak'uru juapɨ. Chi mɨ ome ará be minachia chaupatama, mɨ mãra ome ará bɨ pẽra. Mãrapa mɨwẽa mi ãpia pida Tachi Ak'õre pae p'ue oodaiwẽma.

Mɨ ome ará p'anat'ɨ mɨ mãra ome ará bɨ jĩra. Pak'uru jua chi bɨɨrɨ ome ará baepɨra, ara ichit'u p'ue chauk'ama. Ara mãɨ jĩra mãra ara mɨ ome p'ananaepɨra p'ue chaudaiwẽma.

»Mãra mɨ ome ará p'ananaipɨra, mɨ pedea oo p'ananaipɨra, ɨt'aa chiidit'ɨ jõma mãrapa k'ɨ̃riautat'a. Mãɨ mɨa teaipɨ.

Mãrapa mɨ jɨrɨ atadaé pasima. Mɨapuru mãra jɨrɨ atasima. Pak'uru bɨɨrɨ nejõ beraak'aɨ chaupari jĩra, mɨa mãra bɨsima wãnak'ari nepia chaudamẽrá. Mɨa mãra jɨrɨ atada pẽra mãrapa mɨ Ak'õrea mɨ t'ɨ̃nepa ne idiutat'a ichia teaipɨ.

Ẽpẽra minachia k'ɨ̃ria bɨdepa ichi k'õp'ãero k'orea piui bɨma. Mãɨ k'aepẽra p'ue chi ẽpẽra atepe k'ɨ̃riai bɨt'a newẽma.

Mɨ pak'uru jua chaudak'aɨ ichia mãɨ t'ɨat'uparima, maamina chi chaupataɨ pak'uru jua mãɨ t'ɨat'uparima atepe chaudamẽrá.

Mɨa oopi bɨ pedea nãɨpɨ: mãra chi k'ɨ̃ria p'anat'ɨ mɨa mãra k'ɨ̃ria bɨ jĩra.

Mãra pia chaudaipɨra unupidaipɨ piarã mɨ ome p'ɨrrɨapataɨrãt'a. Mãɨya unupidaipɨ mɨ Ak'õre chi choma bɨt'a.

»Mɨ chi uva bɨɨrɨ piarãpẽapɨ. Mɨ Ak'õre chi uva uuda ak'ɨparipɨ.

Chi mɨ ome ará bɨwẽt'a, mãɨ mɨ Ak'õrepa awara bɨipɨ pak'uru jua chauk'apɨ́ jĩra. Mãɨ pak'uru jua p'urpak'ari tachia ará jɨrɨp'edak'ari t'ɨpɨde paapatama.

»Mãɨ ãarea mɨa jara bɨma mãra mɨ ome minachia arapá p'ananamẽrá.

Mɨa oopi bɨ pedea oodaipɨra, piarã mɨa k'ɨ̃rianepa p'ananaipɨ. Ara mãɨ jĩra mɨ Ak'õrepa jara bɨeda oo bɨ pẽra ichia k'ɨ̃rianepa baparima.

Mãicha mɨa mãrá jararuma: abarik'a chi k'ɨ̃riat'ɨ.

Nãɨ ĩjũanepema padapara ãchia mãra k'ɨ̃rianai pasima, ãchidepema pẽra. Maamina mɨa mãra nãɨ ĩjũanepema ateewãsima ãchi awara p'ananamẽrá. Mãɨpuru mãra unuemaapatama.