Populiarios Biblijos eilutės iš Matthew 6

Dalintis

Tamaaken apalluqluku kiyaghtelleghpesini megnunalleghpigaaghtestekek Kiyaghneghem Ataneghpagullghallu, piyukellghallu. Tawaten pikufsi Kiyaghneghem tuunelleqii qamaglluki aklukegkasi.

Nulqaviighutkegpenaan unaamilleghqaq, qayughllak unaamim seghleliighi itagnaghyaghqaagut tawavek aghneghmun. Seghleliiq pikayuguuq aghhutanga tamaghhaan, ilaaghataghaghpenaan unaamim seghleliilleghqaaneng.”

“Tamaaken apalluqluku ungipaatamsi, nulqaviighutkegpenaan ungvalleghsi, sameng neghelleghqaghsi, meghelleghqaghsi, nalighmeng sameng aatelleghqaghsi. Sumeghtaghaqaghtekqun, unguvalleq megnunaghataghaghtuq neqmeng, yugusiqlu megnunaghataghaghtuq aatkaneng.

Iwernga yughaghnaqneghpeni, iteghluten negpenun uumgulluten yughaghaqi Atagpenun aliinneghilgughmun. Atagpek liisimakaa aksaqluku sallghen enkaam akileghtughlleqaaten.

“Enkaam whaten yughaghaqitek, ‘Whangkuta Atavut qilagmelnguq pamani, agleghnalghii aatghen quulvallengli. Yughaghtukut Ataneghpagullghen tagisqelluku, piyukellghenllu apeghiighesqelluku nunami whani, katam qilagmelngughestun.

Neghyaghqaliteqeghtikut aghneghmi whani.

Seghevutaghtiki seghleghqelleput seghevusimaluki seghletun pisteput.

Nanghiiqullengestegpenaamta, iwernga yugulikut taagken Seghleghmeng. Ataneghpagulleq, aghtughyaghqaanghilleq, nighughqelleq, elpek pikaten quunperugllak. Amen.’

“Seghevuskufsiki seghletun pistesi, Atagpesi qilagmelnguum seghevulleqiisi.

Esghaqaghtekiqun qawaaget, piitesighiigatut, unatiigatut, kagpagingigatut. Naqamllu Atagpesi qilagmelnguum neghqaqii! Elpesi megnunaghataghanghitsii qawaagneng?

“Nunami whani kagpagpenasi aklungimeng qayughllak kingugemllu anaghtaallghemllu naafqelleqii, teglegniightetlu naafqiiluteng teglegllequt. Iwernga elpesineng katam qilagmi kagpagitek aklungimeng qayughllak moth‑ngituq, anaghtaangituq naafqiiyaghqameng, tegleghniightengituqlu naafqiiluteng teglegughyaghqameng. Sumeghtaghaatkumanginaghlleqaghsi aklungigpesinun kagpagvigsi.

“Kitum alngunak qepghaannaanghitaak maalghuk umiilgek. Maalghugegneng umiilelgukumi ugumikelleqaa ataasiq, piniqelleqaa ilanga. Qaatkutngallequq ataasimun, pitkennaanghitaa ilanga. Enkaam piniqnaanghitaghsi Kiyaghneq piniqumaluku mani.

Kiyaghneghem aasightughaqii vegaaghet, iwernga aga unaami quukaqiit. Kiyaghneghem aasightuqayugukaki veghaaget, aasightughataghaghnaanghitisii elpesi? Ugpeqilleghqestaapigutsi!

Iwernga tuunikuvek aklumalghiinun, kina alngunak ungipaategpenaan, kitumun alngunak nallukesqelluku tuuniillghen. Atagpek esghapagaqaaten enkaam akileghtughlleqaaten.”

Jesus‑em apeghtuusani nagneghutkii, “Wataghllak pinitun pillesi esghaghsaqegpenaki. Esghaghsaqegkufsiki Atagpesi qilagmelnguum akileghtughnaanghitiisi.

“Fast‑eneghpesini iilqesugnighqegpenasi piniiyugneghestun. Aghmigigatut, mesuunangigatut liigikesqelluteng fast‑enguniluteng. Ipa ungipaatamsi, akileghtuusangwaaghluteng ayuqut. Fast‑eneghpeni aghmigaqillu mesuunaaqillu, ilagpenun nallukesqelluku fast‑ellghen. Iwernga Atagpek aliinneghilnguum liisimakaa saaquten enkaam akileghtughlleqaaten.