Populiarios Biblijos eilutės iš Lucas 9

Dalintis

Jesusba jomaurãmaa jarasii: —Ab̶a mʉ baara nibai kʉ̃ria b̶uubʉrã, chi mauba wau kʉ̃ria b̶uu, ida b̶ui b̶uu, maud̶e ewaricha ãrea biꞌiwãe b̶uai baita b̶uai b̶uu. Maabae mʉ baara wãi b̶uu.

Ab̶a ara ichi karibai kʉ̃riaruubʉrã, mau poyaabai. Maamina ab̶a mʉ kakua biuruubʉrã, Dachi Akõre ome ewaricha chokae b̶uai.

Jesusba panausii: —Ab̶a trajad̶e wãped̶a waya akarrnaa ichiaibʉrã, mau biꞌiwãe b̶uu Dachi Akõreba ichid̶irã ichi juad̶e ua b̶uud̶e trajai baita.

Nau ãrea kʉ̃risiásturu: ẽbẽra nau iujãad̶e ne joma uru b̶uu biuruud̶e tʉbʉchia kiikaud̶aa wãaruubʉrã, ¿chi uru b̶uad̶aba karibai b̶uka?

Ab̶auba mʉ ʉ̃rʉbena kĩrakayaaruubʉrã maud̶e mʉ bed̶ead̶e, mʉ, chi Ẽbẽra Ba B̶uad̶a neeruud̶e mau ẽbẽra kakua kĩrakaya b̶uai. Mau ewarid̶e mʉ neei, mʉ Chachaba mʉʉmaa poyaabarii deasiid̶eeba maud̶e ichi angelerã poyaabariid̶e.

Jesusba jarasii: —Usa moded̶ebena de bara nii maud̶e ibana de bara nii, maamina mʉ, chi Ẽbẽra Ba B̶uad̶a sama kãi nub̶uai wãꞌãe b̶uu.

Maud̶e naka jarasii: —Ab̶auba mʉʉd̶e ijãa b̶uud̶eeba nau warr biꞌia irsibiiruubʉrã, mʉ sid̶a biꞌia irsibiiruu. Maud̶e mʉ biꞌia irsibiiruuba chi mʉ bʉid̶a biꞌia irsibiiruu. Machid̶ebena chi kaebeu nii Dachi Akõre daad̶e chi mechiu nii.