Populiarios Biblijos eilutės iš Wongeela Maatewoosii 7

Dalintis

Yesuus itti dabalee, “Kadhadha'a, isiniif hin kennanti; barbaada'a, hin dhaggattanille'e; balbala dhodhowa'a isiniif hin bananti.

Ka kadhatu hin fudhata, ka barbaadulle hin dhaggata, ka balbala dhodhowuufille hin bananti.

Yesuus, “Nami jecha kiyya dhage'ee hujii irra oolchu namicha qaroo mana ifii rassa irratti ijaarrate tokko fakkaatta.

“Waan namooti akka isiniif godhanuuf barbaaddanu isinille akkasuma isaaniif godha'a: Seerri Muuse'eetii fi raagoti kanuma barsiisan.

Karaan gara jiru'uu geessu ammoo qadha'aa; karrille dhiphoo waan teeteef, worri karaa jiru'uu san dhaggatu diqqa'a.

“Karra dhipho'oon seena'a! Karaan gara badi'ii geessu badha'aa; karrille badhoo waan teeteef, worri karra san seenu heddu'u.

Isin adoo worra hamaa teetanuu, ijoollee teessaniif waan dansaa kennuu eega beettanee, Abbaan keessan ka ol-gubbaa jiru, attam caalchisee, worra isa kadhatuuf waan dansaa kennuu dhaba ree!

Yesuus, “Waaqi akka isinitti hin murre, isin namatti hin murina'a. Muruma isin namatti murtanuun Waaqille isinitti mura; safaraa isin ittiin namaaf safartanutti isinille'eef safarama.

“Nami jecha kiyya dhage'ee hujii irra hin oolchine namicha gowwaa mana ifii maansa irratti ijaarrate tokko fakkaata.

“Huura ila obboleessa keetii keessa jiru maaf ilaalta! Jigeessa ila teeti keessaa maaf hin hubanne? Jigeessi ila teeti keessa adoo jiruu, obboleessa keetiin, ‘Huura ila teeti keessaa sii fuudha’ attam jedhuu dandeetta?

Yesuus itti dabalee, “Raagota dharaa irraa ifi eeggadda'a; isaan gubbaa irra hoolota fakkaatanee, gara keessan dhufan; keessi isaanii ammoo yayyii isin butattu. Midhaan isaaniitiin isaan beettan. Midhaan woyni'ii kom'olcha irraa, midhaan harru'uu waaccuu irraa hin guuranu.

Akkasuma, muki dansaan midhaan dansaa, muki hamaan midhaan hamaa buusa.

Muki dansaan midhaan hamaa buusuu hin dande'u; yookiin muki hamaalle midhaan dansaa buusuu hin dande'u.

Muki midhaan dansaa hin buunne martinuu muramee ibiddatti gatama.