Populiarios Biblijos eilutės iš Mateo 7

Dalintis

Daizezea ne widꞌiudua, mawũãrã marãã diaya. Ne widꞌi bꞌeba jʉrʉudua, mawũãrã ũdudꞌaya. Ne widꞌi bꞌeba trʉ̃ũdua, mawũãrã jigaita puerta ewaya.

Daizezea ne widꞌi bꞌʉbara jidaya. Ne widꞌi bꞌʉba jʉrʉ bꞌʉbara ũduya. Ne widꞌi bꞌʉba trʉ̃ bꞌʉaara diaita puerta ewaya.

Bariduba mʉ bedꞌeata ũrĩpe aribꞌaera, ũmakĩrã bia krĩcha bꞌadꞌa kĩrãkꞌa bꞌʉa, izhi dera pãrãsia peña ʉ̃rʉ̃.

Zhãrãba ne jõmaʉ̃ne marã sãwũã odꞌaita krĩña bꞌedꞌe marãba ãzhita mawũã oudua. Maʉ̃ta Daizezeba ũrãgꞌa Moiséa diadꞌa, maʉ̃ta Daizezeba bedꞌeata jarabibarirãba bꞌʉdꞌapeadꞌa.

Mawũãmina puerta pẽũsuadꞌe edꞌa wãĩta ota pẽũsuabara Daizeze ũme bꞌai jõ ẽãma ede bꞌʉa, maʉ̃ta bio ẽãba ũdu bꞌea.

Edꞌa wãũdua puerta pẽũsuadꞌe, puerta jedꞌeadꞌe edꞌa wãĩta ota kũrũgusabara aduadꞌe ede bꞌʉa, bio maʉ̃ne edꞌa wã nʉmʉã.

Marã bia ẽãta bꞌeba mazhi warrarãã ne biata dia kꞌawua bꞌebʉrʉ, marã Zeze ʉ̃tre bꞌʉbara audrebai ne biata diaya widꞌibʉdaara.

Zhãrãta kꞌawua orãũdua, Daizezeba marã maʉ̃ kꞌarea kꞌawua o ẽbamarẽã. Zhãrãta kꞌawua odꞌara Daizezebara marã maʉ̃ zadꞌe kꞌawua oya, zhãrã sãwũã obʉda zadꞌe oya.

Mawũãmina bariduba mʉ bedꞌeata ũrĩpe aribꞌae ẽbʉrʉ, ũmakĩrã bia krĩcha bꞌadꞌa ẽkĩrãkꞌa bꞌʉa, izhi dera pãrãsia ibudꞌe.

¿Kꞌãrẽã bʉ mebea dabʉdꞌe ne jarra kꞌobꞌʉtrʉ akʉpe bʉ dabʉdꞌe bakuru pẽũ nʉmʉrã akʉ ẽpe? ¿Mawũãrã bʉara bʉ mebea mawũãĩne bꞌʉka: Ne jarra bʉ dabʉdꞌe kꞌobꞌʉta mʉãã aubꞌaribirua aidꞌe bꞌʉka, bʉ dabʉdꞌe bakuru pẽũ nʉmʉnerã?

Kĩrãkuita bꞌeaudua sewata Daizezeba bedꞌeata jarabibaridꞌe bꞌe kꞌarea, marãma zedꞌaya oveja zhãrã zuburia odꞌakꞌa kĩrãkꞌa, mawũãmina sodꞌera usa pãne kĩrãkꞌa zhãrã warrea ẽãta bꞌea. Marãbara ãzha kꞌãrẽ obꞌedꞌeba ũdukꞌawadꞌaya. Uvara ʉrʉba zaudꞌata bꞌʉadꞌakꞌa, miã igora bꞌʉadꞌakꞌa jũẽchichiba zaudꞌata.

Aramaʉ̃ kĩrãkꞌa bakuru biabara zau bꞌʉa zhi tara biata. Mawũãmina bakuru bia ẽãbara zau bꞌʉa zhi tara bia ẽãta.

Bakuru biabara zau ẽã zhi tara bia ẽãta, miã bakuru bia ẽãbara zau ẽã zhi tara biata.

Bakurura zhi ta biata zaudꞌa ẽãrã jõma tudꞌape buebada tebʉdꞌe.