Populiarios Biblijos eilutės iš Mateo 5

Dalintis

Miõba ĩbĩrã kꞌoape ãna nʉmʉka, awuarabʉrʉ ʉ̃tʉ bꞌʉbaria jõma ʉ̃namarẽã dedꞌa bꞌeta. Aramaʉ̃ kĩrãkꞌa ʉ̃nata marãneta ʉ̃nabiudua zhãrã kĩrãbita, aramaʉ̃ne marãba biata obꞌeta ũdudꞌamarẽã, maʉ̃neba ibia jaradꞌamarẽã marã Zeze ʉ̃tre bꞌʉta.

Marãneba Daizezedꞌebemata ũdu bꞌeba marã ʉ̃nata bꞌea ẽjũãne bꞌerãĩta. Mawũẽ pʉwʉrʉ kꞌatumane ʉ̃rʉ̃ tabꞌʉta merũ bꞌe ẽkĩrãkꞌa bꞌea.

Sobiaudua soidꞌu bꞌeba so nene ẽã bꞌera, mawũãrã ũdudꞌaya Daizezera.

Sobiaudua Daizezedꞌebema kꞌarea jarra bꞌera, aramaʉ̃ne izha krĩñata oya bꞌera maʉ̃ne nʉmabigaya.

Waya mʉã marãã jaraya, kʉãgꞌaudua marã jura bꞌera, ibia jaraudua marã ikꞌazhirua jara bꞌera, bia oudua marã jura bꞌera, zhiwidꞌiudua marã zuburia obꞌebarira.

Sobiaudua Daizezedꞌebemata kꞌawuai kꞌarea zuburia bꞌera, mawũã bꞌera Daizezeta Nokꞌodꞌebema.

Sobiaudua zhãrãta zhiya adu-a duanabi bꞌera, mawũãrã Daizeze warrarã adꞌaya.

Sobiaudua jẽga bꞌera, mawũã bꞌera Daizezebara kĩrãtũmabigaya.

Sobiaudua biata obꞌe kꞌarea zuburia obʉdadꞌera, mawũã bꞌera Daizezeta Nokꞌodꞌebema.

Sobiaudua zhãrã sozuburia bꞌera, mawũãrã Daizezebara sozuburiaya.

Sobiaudua mʉ kꞌarea ikꞌazhirua jarabʉdadꞌera, zuburia obʉdadꞌera, nekĩrãtõnoã bĩ ẽã jarabʉdadꞌera sewa nebʉrʉ. Bꞌʉsridꞌaudua, sobiaudua, mawũãrã marãbara ʉ̃tre ne biata waibꞌʉa jidadꞌaya. Daizezeba bedꞌeata jarabibarirã bꞌeadꞌasidꞌa mawũã zuburia obazhidꞌa marã bꞌe nawedꞌa bꞌeadꞌata.

Sobiaudua zhi zromane duanu ẽãrã, mawũãrã druata jidadꞌaya Daizezeba diabʉrʉta.

Marã tã kĩrãkꞌa bigata bꞌea druadꞌe bꞌerãĩta. Mawũãmina tã zhi kʉyata jõrã, ¿kꞌãrẽba kʉyaipe? Jipadꞌe seri ẽbaya, mawũẽ bꞌaribue panʉã biradigadꞌamarẽã.

Maʉ̃ba marã kĩrãẽpa zhãrã kʉãgꞌa bꞌeaudua, marã Zeze ʉ̃tre bꞌʉta kĩrãẽpa zhãrã kʉãgꞌa bꞌʉ kĩrãkꞌa.

Kꞌãrẽta marãba odꞌaibʉrʉ ãjãne audua, odꞌa ẽbʉrʉ ãjãne arãũdua. Ne ãmaña jarabʉrʉra bia ẽãneba ze bꞌʉta ãtõmiãneba ze bꞌʉa.

Marãbara zhi ũrĩmata mawũãsidꞌa: Iabꞌaʉba zhãrã dabʉta ãrĩrã izhisidꞌa abꞌarika dabʉ ãrĩnaĩbara, kidꞌata jõnawera izhisidꞌa abꞌarika kidꞌa jõnawedꞌaibara. Waya mʉã marãã jaraya, abꞌarika orãrũã iabꞌaʉba bʉta bĩ ẽã obʉrʉdꞌera. Baribʉrʉ bariduba bʉta kĩrã juwua araarebemata tachira wuadua dewarabemasidꞌa.

Mawũẽ bʉ dabʉ juwua araarebemaba bʉta kꞌazhiruadꞌe bꞌaebiidꞌebema orãrũã, aramaʉ̃ne bʉ dabʉra ẽũtape bʉdꞌebara bꞌaribuebʉrʉkꞌarua. Audre biga bʉdꞌebemata abꞌa aduaita bʉta kꞌakua igurua bꞌaribuedꞌai kꞌãñabara tebʉdꞌe. Juwua araba bʉta kꞌazhiruadꞌe bꞌaebiidꞌebema orãrũã, aramaʉ̃ne bʉ juwuara bꞌʉatupe bʉdꞌebara bꞌaribuebʉrʉkꞌarua. Audre biga bʉdꞌebemata abꞌa aduaita bʉta kꞌakua igurua bꞌaribuedꞌai kꞌãñabara tebʉdꞌe.