Populiarios Biblijos eilutės iš Mateo 2

Dalintis

Deidꞌu wãbʉdadꞌera wũãwũã zhi papa María ũme ũdusidꞌa, mawũẽ sãkꞌokꞌodꞌe bꞌadape ibia jarasidꞌa. Mobe ne biata ewadꞌape wũãwũãã diasidꞌa orota, incienso kerata, mirra kerata.

Judea druadꞌe Belén pʉwʉrʉdꞌe Jesús tosidꞌera, maʉ̃ druadꞌera Herodeta reyta bꞌasia, maʉ̃ne ʉ̃madau ʉ̃tʉ zebariareba Jerusalén pʉwʉrʉedꞌa zesidꞌa chĩdaudꞌeba ne arimaẽ jarabadata. Mobe widꞌi mawũãsidꞌa: ¿Sãma bꞌʉ Rey judíorãne todꞌara? Chĩdau izhidꞌebemata ʉ̃madau ʉ̃tʉ zebariare ũdubʉdaba daira zebʉda ibia jaradꞌaita.

Chĩdauta mawũã ũdudꞌai kꞌãbãẽã sobiasidꞌa.

Maʉ̃ tẽã Daizezeba kꞌãĩmokꞌaradꞌe jarasia wakusa wãna ẽbamarẽã rey Herodema, mawũẽ ãzhi druaedꞌa jẽrũya jʉ̃drʉsidꞌa o awʉrʉdꞌe. Chĩdaudꞌeba ne arimaẽ jarabadata wãnapeadꞌa tẽãne, ángel Daizezedꞌeta kꞌãĩmokꞌaradꞌe Joséa zhi ũdubipe mawũãsia: Piradrʉrua, wũãwũã zhi papa ũme edebʉrʉta Egipto druaedꞌa merũ wãrũã, mobe mʉã jarayeedꞌa maĩnu bꞌadua. Kꞌawuarua, Herodebara wũãwũã beaita jʉrʉya.