Populiarios Biblijos eilutės iš Mateu 21

Dalintis

Kaha vyeshovyo namulomba nalufwelelo, namuvitambula.

Kaha Yesu avakumbulwile ngwenyi, Mwamuchano nangumilweza ngwami, Nge mukwechi lufwelelo lwakuzeneka kukakasana, kachi kamweshi kulinga ngana omu chinalingiwa kumukuyu kahako, oloze chipwe namwamba pili yino ngwenu, Tutuka, kalimbile mukalungalwiji, kaha nachipwa vene ngocho.

Kaha mazavu aze atetekeleleko naaze akavilenga munyima, vapwile nakutambakana ngwavo, Hozana Ove MwanaNdavichi! Wakukisula Ou mweza mulijina lyaMWATA! Hozana muze mwakulitulaho!

Avambile ngwenyi, Vasoneka ngwavo, Zuvo yami navakayivulukanga ngwavo Zuvo yakulombela. Oloze enu munayalumuna kupwa Uswamo wavihwanga.

Lwezenu mwanaZeyone wapwevo ngwenu, Tala, Mwangana wove ali nakwiza kuli ove, Ikiye wamuvwovu mumuchima, natwame hachimbulu, Halivuvu, hali mwanachimbulu.

Yesu avahulishile ngwenyi, Kumana kamwatangaho lyehi Mazu-vasoneka-ajilako? Awa akwamba ngwavo, Lilolwa eli vakanyine vaka-kutunga Tembele Linapu Mutwe wakukashisa mbango yazuvo. Chinafumu kuli MWATA, Chapwa chakukomwesa kumeso etu.

Shikaho nangumilweza ngwami, wangana waKalunga navakamitambulawo, nakuuhana muyachi weka uze naulovolanga mihako yawo.