Populiarios Biblijos eilutės iš Lûke 8

Dalintis

Ndjî rəgʉ ndə̂ âtû lə̂ tchôtchô cho wä batə̂ azü ndə̂ andjë djê pö Ndjapä nə̈, ânyë kə̈ bâta rə̂ bhâlə̂ su andjê ndə̂ âwâ djîrə̂ ânyë kə̈ dâka. Andjë kpökpo tə̂ andjê lə̂ angbongbo rə gbɛ̂, ânyë kə̈ lê la köbo nə̈.»

Ndjî rəgʉ ndə̂ âtû lə̂ chi lâme wä batə̂ azü ndə̂ andjë djê pö Ndjapä nə̈, ânyë kə̂ dɨ su andjê, lakə̂ gbo rə ndə̂ andjê, ndjë la ngɨ̈ ndə̂ tchêbêche gʉ̂â andjê tâ, ânyë lêlê andjê gbôâbô köbo gbô ndə̂kə̂ negbe-ê.

Angânə̈ wä batə̂ cho ndə̂ âwâ la täme. Andjë djë pö Ndjapä nə̈, kə̈ gâmba rə̂ la mômô. Praâbalë pö Ndjapä nə̈ mbôâbo chëchë nə̈ bhâlə̂ su andjê-a. Andjë zä su andjê tâ kütû ndə̂ kpîɛ̂kpîɛ̂ lö, âdə ngâ gbôgbô rə âsə̈ gbo andjê, djîrə̂ andjë gbotə̂ köbo su andjê ndə̂ andjë zâ rə̂ sə̈ Ndjapä lâme-ê.

Jezü tô rə̂ sə̈ adjisîpili ndə̂ yê päkëdə̂: «Kə̂ za su nyê sə̈ mê nə̈ wä bhâ tchêbâ?» Wawa mbô andjê, tchə̂lə̂ küma andjê djîngɨli, ânyë andjë sə̂ lakə̂ to rə̂ lə̂ gbâtə̂ andjê päkëdə̂: «Köchë âtə də̈ tchabâ? Ânyë kə̈ tô pö sə̈ yi la gbölö ngû ânyë â djê ndjë tchë âtə?.»

Andjî rəgʉ ndə̂ âtû ndroma köbo də̈ azü ndə̂ andjë djê pö Ndjapä, praâbalë Jâbolo nə̂ kə̈ krʉ̂a pö nə̈ lə̂ su andjê, kə̈ kîtə̂ köbo tə̂ andjê ndə̂kə̂ pa andjë za su andjê sə̈ Ndjapä, ânyë kə̂ tcha lə̂ kuzü.

Rə gbɛ̂ ndə̂ âwâ wü, a âwun-adje rə̂. Rə gbɛ̂ ndə̂ âwâ lə̂ küwû nə̈, a âwun-adje sə̂nə̈, ânyë âwutuadje kraâ ësûwu.

Ɛ̈chë lâme wûn rə̂ pä a wûnsə̂ rə ndə̂ anyë mbô rə̂ lâme nə̂, tche nə̂ kə̈ tê tchâtchâ Jezü lakə̂ gugu. Tche nyîsə̂ nə̈ la azü gbɛ̂ djusə̂nə̈ ndə̂ tche grʉ̂ tchë, kə̈ nyî ndjë sə̂ köbo ndə̂ tche tchâ posə̂nə̈ ndə̂ tche grʉ̂ tchë lâme. Praâbalë Jezü tô rə̂ sə̈ tchë päkëdə̂: «Ɛ̈wünrə ndə̂ mê, kə̂ za su zə̈ sə̈ mê tchâ mö nə̂, amö gu la zɨtɨ su.»

Adjisîpili nə̂ ndola Jezü, kə̈ jô tchë, kə̈ tô rə̂ sə̈ tchë päkëdə̂: «Earə̂ kə̂ nyisə̂ rə, Earə̂ kə̂ nyisə̂ rə, azə̂ âtchu!» Jezü jô lə̂ lö nə̈, kə̈ hrô la gbölö yi la kpabe nə̈, ânyë yi nə̈ krʉ̂-ê, tchô zɨ̂ tɨɨ.