Populiarios Biblijos eilutės iš Luka 3

Dalintis

Baata boosi bu bamani uholo libootuu, Yiisu ka bamubootii. Bu akikuundu, yula ladibini, na Muheebili wa Ngira akulini mu ifwa-fwani kia beembe nha yulu a nde. Mu mayula mwayuyini ndaa: «We ni mwaana a me wa litoono. Mu we me ndi na kinyi yalaa.»

Yowani avutili, aleeli kwaa bo boosi: «Me ndi mu ubootuu beni mu maamba, ka wuli mu uyiri avulu me mu lituu. Me a nafwaana so mu unyangila misiingi mia bikoori bia nde pe. Nde sa wadibootuu mu Muheebili wa Ngira na mu mbaa.

Dimweese mbutu dili mu uta imbaangi ki ibwe mu kiingili a mayele ma beni, ka a dileele pe mu matsimi ma beni: “Abraami li kaa a bisi.” Ka me nadileeli: Nziaambi utuu ukitisi mamanya ma, mu uba bateeri ba Abraami!

Ka lolo, pibi yimaayilimi mu ukese muti nha miaanzi: Pasi muti wu uhele ubutu mbutu dimbwe, sa bakwaanga na udumunu nde ku mbaa.»

Mbii bu basonuu mu mukaanda a Yeesaya, mubili: «Ndaa mosi yili mu uloo mu tsi ya tsata: Yiluwani kuulu a Pfumu, suungusani misoo mia nde! Pasi mbeenge sa baluusu, milaanda mio osi na bibindi bioosi sa bakululu, pasi muli na mafutu sa basuungusu, makuulu ma mamanya sa balenge. Baata boosi sa bamono liyobolo la Nziaambi.»