Populiarios Biblijos eilutės iš Luku 8

Dalintis

Yatanʔara díì sí ti 'tuu dàacɛnnɛ nī lè, tire yē bìli pe 'Kulocɛliɛ siɛnrɛ cò dè nɛ́ funjɛ̀ngɛ ní, nɛ́ funviige ní, nɛ́ jáa nɛ̀ gbɛ̀nmɛ le nɛ̀ yasɛnrɛ sɛn wè.»

Yatanʔara díì ti 'tuu wíire sunʔɔmɔ nī bè, kire 'yē bìli pe sî siɛnrɛ lúʔu dè á ki nɛ̂ nyaa kasɔngilɔ gèle nɛ́ lɔri caʔa ní gè, nɛ́ duniya wi yataanma ní bè, tire nɛ̂ pɛn nɛ̀ pɛ́nì pe cɔ̀ri; pe nɛ̌ yasɛnrɛ sɛn ti- liɛʔ.

Dìi dī sìndɛnigɛ nɛ̄ gè, tire 'nyaa bàli pe sî siɛnrɛ lúʔu dè níɛ̀ ti cò nɛ́ fundaanra ní dè, nɛ̀ sí ki yaʔa piyè nìre wáaʔ. Peli tɛ́ngɛlɛ ni sî puu lɛ̀lɛ cɛ̀ri woli wī. A puuwelige kɛ́nì nɔ̀ pe nɛ̄ bèle, pe nɛ̂ yiri tɛ́ngɛlɛ nī lè.

A wi 'pe yɛ: «Yeli tɛ́ngɛlɛ niī sé ?» A fíɛrɛ 'pe cò a ki 'pe fungo wúɔ, a pe 'yɛ̀ nɛ nyu nɛ tìí pìye nɛ̄ nɛ́ jo: «Ŋáasiɛn wī ŋàa wè ! Fúɔ wiī nɛ nyu káfaligɛ nɛ̄ gè nɛ́ luʔɔ ní gè, ti lúru wi nɛ̄ !»

Dìi sí ti 'tuu koligo nyuɔ nɛ̄ gè, tire 'yē bìli pe sî siɛnrɛ lúʔu dè á gbòdolilo kàfɔli nɛ̂ pɛ́nì ti yige pe funyɔ nī yè, gìi ki bé tí pe fǎga tɛ́ngɛ bé sí suɔ bèleʔ.

«Ki 'nyaa kaala láà fáala sì je ga kò baa làrilɛʔ, gá niì cɛ́nʔ. Kalarilɛ míɛni sì je ga kò sìnjɛ́n nī, fúɔ ni bága yiri kpànʔanɛ wī.

Bà cɛliwɛ wi 'ki 'nyaa wire sǐ gbɛ̀ làriʔ wè, a wi 'yɛ̀ nɛ fún, nɛ̀ sɛ́nì tuu Zezi tɔliyɔ láara yè, nɛ́ ki juu siɛnnɛ pe mìɛni yiʔɛ mɛ́ gè gìi ki 'tí á wire 'cò nɛ̀ taa wi nɛ̄ wè, nɛ́ bɛ̀ wire 'fali nɛ̀ puʔɔ wè. A Zezi wi 'wi yɛ: «Nɛ póri, muɔ tɛ́ngɛlɛ ni 'muɔ suɔ, te waa yanyige nɛ̄.»

A pe 'Zezi yɛ̀gɛ wè nɛ́ jo: «Kàfɔli, Kàfɔli, je we bé kùu wī !» A wi 'yɛ̀, nɛ̀ jɛnmɛ káfaligɛ nɛ̄ gè nɛ́ lakuruyo ní yè, a ti 'yéri a tiʔɛ ki 'kò nyíge.