Populiarios Biblijos eilutės iš Matius 7

Dalintis

Yesus bilang lagi, “Minta suda pa Tuhan Allah apa yang ngoni perlu, nanti Dia akan kase apa yang ngoni minta itu. Cari suda pa Tuhan Allah apa yang ngoni perlu, nanti ngoni akan dapa itu dari Dia. Toki suda Tuhan Allah pe pintu, nanti Dia akan buka pintu untuk tolong pa ngoni.

Karna tiap orang yang minta pa Tuhan Allah, dia akan dapa. Tiap orang yang cari dia pe perlu pa Tuhan Allah, dia akan dapa. Deng tiap orang yang toki Tuhan Allah pe pintu, Tuhan Allah akan buka pintu untuk tolong pa dia.

Yesus bilang lagi, “Tiap orang yang dengar apa yang Kita bilang ini kong biking, dia itu sama deng orang pande yang kase badiri ruma di atas batu fandasi yang kuat.

Jadi, apa saja yang bae yang ngoni suka orang biking pa ngoni, itu suda yang ngoni musti biking pa orang laeng. Deng ngoni biking bagitu, ngoni so biking apa yang tatulis di lima kitab Musa deng di nabi-nabi laeng pe kitab.”

Tapi, kalu ngoni maso iko pintu yang sempit, ngoni mo dapa hidup deng Tuhan Allah slama-lamanya, dia pe jalang memang sengsara, deng cuma sadiki orang yang iko di situ.”

Yesus bilang lagi, “Maso suda iko pintu yang sempit! Barang, kalu ngoni maso iko pintu yang lebar, itu mo pigi di neraka, dia pe jalang memang gampang, deng banya orang yang iko di situ.

Jadi biar ngoni pe hati tara bae, tapi ngoni tau bagimana kase barang yang bae pa ngoni pe ana-ana. Apalagi ngoni pe Bapa yang di sorga! Dia pe hati paling bae, Dia pasti mo kase yang bae pa orang-orang yang minta pa Dia.

Yesus bilang lagi, “Jang ngoni kase sala pa orang laeng, supaya Tuhan Allah me tara kase sala pa ngoni. Karna sama deng ngoni kase sala pa orang laeng, Tuhan Allah me akan kase sala pa ngoni. Kong ukuran yang ngoni pake untuk ukur orang laeng pe sala, Tuhan Allah me akan pake untuk ukur ngoni pe sala.

Tapi tiap orang yang dengar apa yang Kita bilang ini kong dia tara biking, dia sama deng orang bodo yang kase badiri ruma di atas paser.

Ngoni jaga perhatikan orang laeng pe sala yang kacil, tapi ngoni pe sala yang basar ngoni kase badiam! Itu sama deng ampas kayu yang kacil di ngoni pe sudara pe mata, ngoni bisa lia, padahal balak spanggal yang ada pele ngoni pe mata sandiri, ngoni tara lia. Jadi bagimana kong ngoni bisa bilang pa ngoni pe sudara, ‘Mari kita kase kaluar ampas kayu dari ngana pe mata’, padahal balak spanggal di ngoni pe mata sandiri, ngoni kase biar.

Yesus bilang lagi, “Ngoni musti ati-ati deng nabi-nabi palsu yang datang pa ngoni! Barang, dorang bilang kata, dorang itu orang yang jaga kase turus Tuhan Allah pe pasáng, padahal bukang. Dorang pura-pura bae sama deng domba, padahal dorang jahat sama deng anjing utang. Ngoni bisa dapa tau dorang itu nabi-nabi palsu dari apa yang dong biking. Itu sama deng rumpu yang baduri, tara mungkin babua anggur atau babua ara.

Samua pohong yang bagus, pasti dia pe bua me bagus, tapi pohong yang tara bagus, pasti dia pe bua me tara bagus.

Tara mungkin pohong yang bagus kong dia pe bua tara bagus, atau tara mungkin pohong yang tara bagus kong dia pe bua bagus.

Kong tiap pohong yang babua tara bagus, pasti orang mo potong kong bakar.