Populiarios Biblijos eilutės iš Yohanes 1

Dalintis

Mada'a 'a guna ḇato 'o dawongo re 'o ngaku Unanga, Unanga 'o pula'a haku ra ananga di'a 'aḏi dadi Ma Jou'ongu Madutu 'ai ngowa-ngowa'a.

'Ua re 'au wali wakutu dungia 'i dadi nyangu, 'Idini rema enanga ḏua. 'Idini gena-ge 'i mamete'e ra Ma Jou'ongu Madutu, re 'Idini gena-ge ḏi'i Ma Jou'ongu Madutu.

Tarangi gena-ge 'i sitarangi toma hafu-hafu, re hafu-hafu nga'unu ua ya sisengene 'o tarangi gena-ge.

'Idini gena-ge ri dadi manusia, re Unanga 'o tegoro tananga sigolona re wa oḏi'i ḏua 'Ai kabasarana. Kabasarana gena-ge ma 'asala ra Ma Jou'ongu Madutu sababu Unanga 'Ai Ngowa'a Nau'u pa'i matengo. Sababu Unanga, ngene wa basono tala Ma Jou'ongu Madutu 'ai mura re dadalara masala ra ngene, re Unanga 'o sijumu ma ba-banari mangale Ma Jou'ongu Madutu ra ngene.

Ma Jou'ongu Madutu 'o pake Unanga gena-ge di'a 'O sidadi 'oru ḇato mo-moini. 'Ori i'a rimoi mai ua nga'unu 'i dadi, na'o Unanga ua. Unanga gena-ge 'ahu ma cimi, re Unanga Ma Jou'ongu Madutu 'ai tarangi toma manusia.

Ma ḇiḇini ino Yohanes 'o oḏi'i 'a Yesus 'o sapolo ra unanga. Ḏua Yohanes 'o kanau, “Oḏi'i Unanga nena-ne Ma Jou'ongu Madutu 'ai Doba ma Ngowa, ga'a 'O singi-ngiranga manusia manga ḏosa!

Unanga gena-ge ro sapolo re tegoro toma dungia nena-ne ga'a Unanga 'a sidadi. Mada'a ngowa'a 'aḏi tegoro toma dungia nena-ne 'aḏi oḏu'u dawongo Unanga. Kalaha Unanga 'O sapolo Tai ji'o re 'Ai gamu, 'Ai herapongo 'aḏi oḏu'u dawongo Unanga.

Tarangi mode-mode'e ga'a sitarangi ngowa'a mo-moini manga 'akala re sinyingara, tarangi gena-ge ri sapolo toma dungia.

Sababu Ma Jou'ongu Madutu 'ai hukumu, gena-ge ma barakati siḏa ga'a ngene wa dawongo ra Musa. Mada'a Ma Jou'ongu Madutu 'ai ba-banari re 'Ai mura re dadalara, gena-ge ma barakati su-sungi ga'a ngene wa basono tala sababu Yesus Kristus.