Populiarios Biblijos eilutės iš MATIUS 24

Dalintis

Kajahaten sagar malayap kalayiru tamamni hampe rama ulun puang lagi tau ipasinta. Kude ulun sa utul batahan hampe pijumpuhanni, sagar nasalamat.

Kamulek Kabar Maeh neu kalaawe Alatalla marentah sagar nabarita hampi erang litar alam, nampan katuluh ulun nyanrengeini. Udi yiru wau anrau Kiamat.”

Naun sagar karengei kawan lengan pertempuran nelang kawan kabar paparangan, kude ada takut. Daya kawan hal yiru harus bakajadian, kude puang baarati haut hampe wayahni kiamat.

Bangsa sa isa sagar baparang nawan bangsa sa lain, nelang nagara sa isa sagar manyarang nagara sa lain. Hang awe-awe sagar naan kajadian bahaya juju lau nelang gempa bumi. Katuluhni yiru wau panukuan, kala nanam hanang sa naingkam daya erang kaulun wawei hang tawuk kai kayaan.

Langit anri tane sagar wawai mahinam, kude lenganku tatap hampe kalalawahni.”

Daya wahai ulun hawi makai ngaranku nelang kaeau, ‘Aku Raja Panyalamat!’ Here sagar nipu rama ulun.

Udi yiru naun sagar najamba palus nasarah nampan nasiksa nelang nawunu. Katuluh dunia sagar marikang naun daya naun ulun sa umba aku. Hang tawuk yiru wahai ulun sagar murtad, nelang sulas duruhaka palus muar marikang isa anri sa lain. Rama kawan nabi palasu sagar hawi, palus nipu ulun rama.

Yesus nuing, “Hati-hati bajaga, ada hampe naun tatipu.

Daya sabab yiru, naun pada harus bajaga-jaga. Daya Anak Murunsia sagar hawi hang tawuk sa puang napinda-pinda daya naun.”

Jari, hati-hati bajaga, daya naun puang karasa hantamian Tuhannu sagar hawi.

“Angaan uweng sa karasa hantamian anrauni anri jamni, kawan malekat hang surga sika puang, Anak Alatalla pada puang, ekat Ambah sa karasa.

Daya sagar hawi kawan panyalamat palasu anri kawan nabi palasu. Here sagar ngulah kawan ulahan sa luar biasa, makai kawan kaburiat neu nipu ngakal, amun kaiyuh ulun wat Alatalla pada.

Amun Anak Murunsia udi ati hawi, kaadaanni sameh kala hang jaman Nuah sadi. Hang kawan anrau kapihuan baah hante yiru, ulun katuluh kuman nguut, narangan itamelum kala yiru tarus-tarusan hampe hang anrau Nuah masuk mawuang kapal. Hang tawuk baah yiru nebu here katuluh, wau here kaingkam inun sa rahat kajadian. Kala yiru pada kaadaanni die amun Anak Murunsia hawi.