Populiarios Biblijos eilutės iš MARKUS 16

Dalintis

Lantas i Yesus notatae hi aha, “Lako'mo i songko-songko na dunia aiya, ka' polele na Lele Ma'ima' lengkat mae hi Tumpu aijo' hi iwi-iwi' na mian.

Salaku bukuti' aha pinalesayamo, mian haha aijo' molaa' roh ma'idek kalana mompake sanggong-Ku; aha basisik nu potatae anu madi' nusumbu' nu aha. De aha montoongi ulo kabai monginum lasung, aha madi' mohumpak kasilaka'an. De aha mompotiik lima i to mia-mian masakit, mian haha aijo' ma'alin.”

Mian anu madi' palesaya o hukum. Panyo mian anu palesaya o palamandikan, da salamat.

Lantas anu saja' mombatuki Ia nambamo ka' nompolele lele lengkat mae hi Tumpu iyayamae. Ka' Tumpu suele mokalaja mohingga-hinggat tiba aha ka' nompotoamo bukuti', i hahan anu okabangangi, saba' apaa na anu pinotokamo nu aha aijo' memang totu'u.] [

Mian olitau aijo' notatae, “Boli mabuhuk! Kusumbu' komiu molio i Yesus mian nu Nazaret anu sinalibmo. Ia madi'mo i aiya. Ia po'ule'mo tinumuu'! Toa, aiya na tampat pinompomale'an nu aha Ia.

I tonga' nu jalan aha notatae samian ka' hi sangga'at, “Ihe na moko ala montulungi kita mohangkatakon batu pontumban bolo' nu kubulan?” Kalana batu aijo' daka' hondo. Panyo sinaintoka na aha i kiijo', tinoa nu aha batu aijo' nolingginmo. Lantas aha ninsoopmo i uno nu kubulan aijo'. I unonyo sasu koanannyo aha nontoa samian na olitau mimbaju' jubah mopute', hau-haunyo suha-suhang, sahingga aha tinolokengkengmo.