Populiarios Biblijos eilutės iš MARKUS 12

Dalintis

Tinaaman i Yesus, “Palentah anu momoona, aijo'mo: ‘Hongomo, komiu bansa Israel! Tumpunto, Tumpu aijo' ola sa'a-sa'angu'nyo. Kalibosi na Tumpuum totu-totu'u na kinyonyoaum, tiba iwi-iwi' na butongum ka' tiba iwi-iwi' nu kapandeanum.’ Palentah ko ohua'nyo aijo'mo: ‘Kalibosi na sangalu miu, sumomo beleyum mongkalibosi posi butongum.’ Madi'mo daagi' ko palentah sangga'at anu talalo penting, panyo olamo ahi' anu ohua' na palentah aijo'.”

Sahingga i Yesus nolaga anu saja' mombatuki Ia ka' notatae, “Palahatikan na aiya: Balu anu kasiasi aijo' nomposoop i uno nu peti' aijo' lebe manjoo' tiba anu pinosoop nu iwi-iwi' na mian sangga'at. Kalana aha iwi-iwi' mombee' labih nu halata'nyo. Panyo balu aijo' mau pe'e talalo kasiasi nombee'mo iwi-iwi' apaa na anu daagi' hi ia – aijo'mo anu nu palalui i kantumuu'annyo.”

Tempo'nyo sinumuhang mompaha ahop tiba peti' palasombahan i Laigan nu Tumpu, i Yesus nompalahatikan to mia-mian momposoop doi nu aha i uno nu peti' aijo'. Da'isan na mian kaya nomposoop manjoo' na doi; lantas samian na anu balu tiba kasiasi tinoka suele. Ia nomposoop ohua' na doi tambaga, aitumo doi anu talalo ise' na halaga'nyo.

Ka' mian tionyo mongkalibosi Tumpu tiba iwi-iwi' na kinyonyoa, ka' tiba iwi-iwi' na kapandeannyo, tiba iwi-iwi' na kahosonannyo. Ka' ia mule' tionyo mongkalibosi sangalunyo sumomo posi butongnyo. Aijo' lebe ma'ima' de me mule' mompalasombahkon palasombahan anu opapui ka' palasombahan-palasombahan sangga'atannyo hi Tumpu.”

“Yoh, desumo atina',” koonyo i Yesus, “bee'mo hi Tomundo apaa na anu i Tomundo, ka' hi Tumpu apaa na anu nu Tumpu Allah.” Aha binangang na nohongo Ia.