Populiarios Biblijos eilutės iš LUKAS 10

Dalintis

Toramo e'i! Aku nombawai ka komi kuasa ala naupa komi mombalonggo ule bo ndorokaa da'a ria mokuya. Pade niwaiku wo'u kuasa ka komi mombadagi balita, Magau nu Seta. Da'a ria i'a namala mompandasa komi.

Tapi nesonomo Yesus, “Marta, Marta, nikitaku komi nasusa rara ante napari nompekiri nuapa-nuapa. Kakonona to niparaluu mpu'u mupowia aga sangele, etumo mangepe Tesa nu Alatala. Etu to nabelona to nipelisi i Maria. Pade etu da'a namala raala ntau nggari ja'ina.”

Nesonomo tau etu, “To nitulisi ri setu iwe'i: ‘Potowemo Pue Alatalamu ante mpu'u-mpu'u raramu, ante pura-pura katuwumu, ante pura-pura karoso koromu, pade ante pura-pura pekirimu wo'u, bo potowemo sanggamanusiamu nasimbayu ewa komi nompotowe koromu mboto.’ ”

Niulina ka ira, “Nadea tau madota mantarima Kareba Belo. Ira nasimbayu ante pae to natasamo. Mamalamo rakato. Pae rakato nadea mpu'u, tapi tau topokato da'a nadea. Sabana etu komi kana merapi ka Pue ntinalu ala I'a mompakau tau malau mokato.

Pade nipakaopu Yesus tesana ante saongu pompekutana ka guru agama etu iwe'i: “Nantuki pombaratamu, nggari tolumba'a tau etu ri umbana to nantora sanggamanusiana ri ja'i ntau nirampo etu?” Nesonomo guru agama etu, “Tau to naasi matana nantulungi tau etu.” Pade nangulimo Yesus, “Kau kawia komi wo'u iwetu!”

Kalaumo komi we'i-we'i, tapi pakabelo-belo. Aku mompakau komi mpaka ri tatongo ntau to naja'a. Komi nasimbayu ka ana nu bimba nipopalai ri tatongo asulako.