Populiarios Biblijos eilutės iš YOHANES 6

Dalintis

Nangulimo Yesus ka ira, “Aku e'imo roti to mombawai katuwua etu. Isema-sema marata ri ja'iku da'a mana maoro, pade isema-sema momparasaya Aku da'a mana mabai tambolona sampe ri kasae-saena.

Nosa Nagasa nu Alatalamo to mombawai katuwua. Kuasa manusia da'a ria gunana. Tesa-tesa to niuliku ka komi etumo tesa nggari ja'i Nosa Nagasa nu Alatala. Pade tesa-tesa etu to mombawai katuwua mabelo.

Ne'e komi aga mokarajaa mangelo panggoni to masalisa maopu bo mawau. Agina komi mokarajaa mangelo panggoni to da'a mawau to mamala mombawai katuwua mabelo sampe ri kasae-saena. Aku, Ana nu Manusiamo to mombawai panggoni etu ka komi, sabana Akumo to nionggotaka Alatala mowia etu.”

Iwe'imo dota Umaku, ala pura-pura tau to manggita Aku Anana pade momparasaya Aku kana mombarata katuwua mabelo sampe ri kasae-saena. Pade ira kana kupakatuwu bali ri kaopu nu dunia.”

Nesonomo Yesus, “Iwe'imo powia to nikonoa Alatala: Parasayamo Aku to nipakauna.”

Pura-pura tau to niwai Umaku ka Aku kana marata ri ja'iku, pade isema-sema marata ri ja'iku kana kutarima, da'a ntoto kupoara.

Nesonomo i Simon Petrus, “Pue, ri ja'i sema rakalau kami? Aga Komi to nombatesa tesa to mombawai katuwua mabelo sampe ri kasae-saena.

Aku e'imo roti to nana'u nggari suruga to mombawai katuwua etu. Isema-sema manggoni roti etu kana matuwu mabelo sampe ri kasae-saena. Roti to mombawai katuwua etumo isi koroku to kuwai ala manusia riara dunia mamala matuwu mabelo sampe ri kasae-saena.”

Da'a ria samba'a mamala marata ri ja'iku ane Umaku to nompakau Aku da'a manggeni ira mpaka ri ja'iku. Pade isema-sema to marata ri ja'iku kana kupakatuwu bali ri kaopu nu dunia.

Sabana roti to nopu'u nggari ja'i Alatala etumo to nana'u nggari suruga pade nombawai katuwua ka manusia riara dunia.”

Aku e'imo roti to mombawai katuwua.

Naopu etu Yesus nangala roti pade niulina tarima kasi ka Alatala. Pade nitibo-tibona roti etu ka tau dea to nekatoko ri setu. Iwetu wo'u nipowiana ante bau. Pade tau dea etu nanggoni sampe nabasa. Sangga nabasapa ira nangulimo Yesus ka anaguru-anaguruna, “Pasiromu komi puramo labi-labi nu roti ante bau etu. Ne'e sampe maria to ratajiaka.”

Tempo ira nosakaya kira-kira lima atau ono kilo ira nanggita Yesus nolumako ri bunggu nu ue etu nantotoaka sakaya ira. Nanggita etu naekamo rara ira. Tapi nangulimo Yesus ka ira, “Ne'e maeka! Aku Yesusmo e'i!”