Populiarios Biblijos eilutės iš YOHANES 19

Dalintis

Naopu Yesus nanjasipi anggur etu niulina, “Naopu puramo bagoku.” Naopu etu notunggoumo balenggana pade nalaimo nosana.

Ninjani Yesus naopumo mpengele-ngele bagona. Jadi notesamo I'a ala madupamo tesa to nitulisi riara Buku Nagasa. Niulina, “Nabai tamboloku.”

Sangga Yesus nanggita indona nenggore ri setu ri sinjori anaguruna to nipotowena, niulinamo ka indona, “Nindo, etumo anamu.” Pade niulina wo'umo ka anaguruna etu, “Etumo indomu.” Jadi nompamula nggari eo etu, anaguru etu nantarima indo Yesus neto'o riara njapona.

Tapi tempo ira narata ri ja'i Yesus nikita ira namatemo I'a. Jadi da'a najadi ira nombaboba mpakakoto kada Yesus. Aga naria samba'a nggari tatongo tantara etu nombatosu usu Yesus ante tawalana. Pade kaliu-liu nesuwumo lei ante ue nggari usu Yesus.

Pura-pura etu najadi ala madupa nuapa to nitulisi riara Buku Nagasa to nanguli iwe'i: “Da'a ria sampeka wukuna to rapakakoto.” Pade naria wo'u tesa ntanina riara Buku Nagasa to nanguli, “Ira kana mantingoa tau to nitosu ira tawala.”

Nalaimo I'a nggari ngata etu ante nanjumbuaka mboto kayu rapomparika I'a mpaka ri peto'o to nosanga ka Peto'o Wuku Balengga. Ane riara basa Ibrani sangana “Golgota.”

Naopu nombaporo I'a, tantara-tantara etu nompowia saongu songgo nggari karui pade nipoposonggo ira ka Yesus. Naopu etu nipasua ira ka I'a santonga baju nakamumu ewa baju magau.