Populiarios Biblijos eilutės iš LUKASI 15

Dalintis

Yi lomonggatolo tio lohualinga odeli paapalio. Donggo molamingo monto bele, tio mai̒loontonga lipaapalio. Lou̒ lodehu daa̒ hilaa lipaapalio tilumetea̒ mota lodunggaya wolio, tulusi longoo̒de wau lodiilo olio.

Sababu walau̒uu̒ botie mailate, masaatia luli tilumumulai; tio mailooli masaatia luli lotapu mai.’ Tulusi timongolio malohutu potihunggu.

Naa, oditolo olo tosologa woluo wengahe ulebe udaa̒ totaa ngota odusa molilihu, wolo taa tio lopulaa tio lota tamaa lopiohe wau diila palalu molilihu.”

Wau̒ mamo monggato wau monao̒ odeliyamau̒, wau moloi̒ya olio: Paapa watia mai̒lodusa to Allahu Taa̒ala wau toli Paapa.

‘Paapa,’ loi̒ya mao̒ lowalao̒ boito, ‘watia mai̒lodusa to Allahu Taa̒ala wau toli Paapa. Diilalo paatuti watia tanggulalo walai̒ Paapa.’

“Humayaalo mao̒ ngotaalio limongoli ohimba ngohetuto lapatao̒ tio iloolia tuwau – tingga wolo umaa pohutuolio? Matantu tio mololaa mao̒ himba u tio lopulaa tio boito tohuta luasi u pilobutua lohuo̒yoto, wau mota mololohe u mailooli boito tunggula motapu.