Populiarios Biblijos eilutės iš LUKASI 10

Dalintis

Ototai mao̒! Timongoli mailohiya-U̒ kawasa alihu timongoli mowali modutaa̒a tulidu wau bambau wau mongantulu ngoa̒amila lotolo musu, wau diaaluo penu boli tuwau mao̒ u mowali mopoo̒ topotala olimongoli.

“Marta, Marta!” tametao̒ lo Eeya. “Yio̒ molawalo wau bo hemo mikiilangi uito wau utie; lebe-lebe pomao̒ u polohuna daa̒ bo tuwau. Wau ti Maria malo lulaoto u mopiohu, udiila mowali hamaalo monto olio.”

Tau boito lolametao̒, “ ‘Tolia̒nga mao̒ Allahu Taa̒ala Eeyamu lou̒ lealeaatu lohilaamu, lou̒ lealeaatu lojiwamu, lou̒ ngoa̒amila lotolumu, wau lou̒ totoonulalo aakalimu,’ wau ‘Tolia̒nga mao̒ timongotamu debo odelo yio̒ motolia̒ngo batangamu lohihilao’.”

“Tilapulo u otoloolo dadaata,” tahuda-Lio mao̒ ode limongolio, “bo tamokalaja u mongotolao̒ bo ngoi̒di. Sababu uito, pohilea mao̒ totaa ohuu̒o lo halabolu alihu tio molao mai tamokalaja u mongotolo tilapulo pilomulo-Lio.

Lapatao̒ ti Isa lopoo̒ pulito silita boito lou̒ lohintu mao̒ odie, “To otolulota boito tatoonu, moduduo̒ huhamaamu, talohutu odelo timongotalio monto taa u yilambatio boito?” Guru lo agama tapilo hintua boito lolametao̒, “Taa u malo tulungi tau boito.” “Naa, nao̒olo wau pohutua mao̒ odelo uito olo!” tahuda li Isa.

Naa, pomonggatolo! Wau̒ molao olimongoli debo odelo himba tohuungo saligala.