Populiarios Biblijos eilutės iš Johanes 1

Dalintis

Tapi lot ma ngo barang piga-piga kalak menjaloSa, janah percaya baNa. Bai kalak idi mo iberrèken kuasa asa gabè dukak-dukak Dèbata

I mulana, sinderrang madèng ihanaken dunia èn, enggo kin ngo lot kata i. Rebbak dekket Dèbata ngo kata i, janah Dèbata ngo kata idi.

Merbinendang ngo cuhaya i mi bagasen sigellap, janah oda terènteppen sigellap i cuhaya i.

Enggo gabè jelma kata idi janah merrian i tengah-tengahta. Enggo siidah kesangapenNa imo kesangapen nijaloNa bagè Anak sada-sada ni Dèbata. Ai merkitè Ia ngo ipeterar Dèbata dirina dekket ngkelleng atèNa banta.

Merkitè kata i ngo ihanaken Dèbata sagumanna silot. Oda lot barang kadè pè hana, ukum mak merkitè-kitè Ia. Kata i ngo memmerrèken kenggelluhen, janah kenggelluhen i ngo merrèken sendang taba jelma.

Sibarembenkenna, idah si Johanes mo roh Jesus mendahisa. Idokken si Johanes mo, “Tengen kènè mo! Adoi mo biri-biri Dèbata mahan pèlèenken i, asa sasa dosa dunia èn!

Enggo i dunia èn kata idi. Tukasi pè merkitè kata idi ngo itempa Dèbata dunia ènda, tapi oda itandai dunia èn ia. Roh ngo ia mi nagerriNa sendiri, tapi oda ijalo bangsaNa i Ia.

Penendang i ngo cuhaya situhunna, cuhaya siroh mi dunia èn lako menerrangi karina jelma.

Merkitè si Musa ngo iberrèken Dèbata pati-patiin banta, tapi merkitè Jesus Kristus, ipetarar Dèbata ngo dirina dekket kelleng atèna banta.