Populiarios Biblijos eilutės iš YAHYA 13

Dalintis

Lampa rawi b̄ou d̄i mbei b̄a Nahu nggomid̄oho: Meci ra ca'upu d̄i sab̄ua lab̄o masab̄uana. Sama b̄une Nahu mameci ra ca'u nggomid̄oho, ndede rauja nggomid̄oho pab̄uaku meci ra ca'u kali cempe angimu. Nggara nggomid̄oho macua meci ra ca'usi angimu, samenana dou d̄imab̄ade b̄a one nggomid̄oho anamori Nahu.”

Nggara Nahu ake Ruma ro Guru nggomid̄oho mawaca wea ed̄imu, nggomid̄oho pab̄ua raupu waca kali cempe ed̄i angimu. Nahu mambei conto mataho ake d̄i nggomid̄oho, loakud̄u nggomid̄oho karawi raumu au rakarawi b̄a Nahu d̄i nggomid̄oho.

Cambe b̄a Ruma Isa, ”Ake nggomi wati loamu ka'ao au rakarawi b̄a Nahu ake, pala peasi nggomi d̄imaloa ka'ao.”

Nancihi poda nggahi-Ku ake: Sab̄ua dou ada wati ncewi na'ena d̄i rumana, ro sab̄ua dou ranggadu wati ncewi na'ena d̄i dou ma ranggaduna.

Nggara wa'usi b̄ade b̄a nggomid̄oho sara'ana ake, taho ra ntika nggomid̄oho makarawisi.

B̄ara ndedena Sia kid̄i, runcu jumba-Na, ro d̄ikina kai here loko d̄i loko-Na. Sawa'u b̄a ede Sia luana oi d̄i ade sab̄ua basi, edempara tampu'una waca wea ed̄i anamorid̄oho-Na ro kamangona kai here loko rad̄iki d̄i loko-Na.