Populiarios Biblijos eilutės iš MÁFIYU 5

Dalintis

Nuu ɛ́i lámbo to ɔ́ɔ́ mbala bɔ́ki wu, kɛ́ laá ɣéle, aa sei lámbo seimái mbéi áá ɣɛ́ héi na ngí hóngi áá foló nuu kpɛ́lɛɛ má pɛ́lɛi wu. Ngimɔ́ɔ́ nɔ́ɔ kule í wú w̃á wú lámbongi í hólo nuu kpɛ́lɛɛ kákala. Ná lɔ́ áá kɛ ti wú háá vandaítii tɔ, táa wú Kɛ́ɛ́ɣɛ Ngalá ndaaw̃áálɛ, lɛ́i í ngelegóóh̃u.”

Wá lɔ ngáá lámbo fo kɛ kíli nuu kpɛ́lɛɛ fááw̃a. Taa walá fíli áá ɣɛ́ lói ngihé wú mba, maa ɛ́i lɔ́ɔ́wu.

Nungái sítii ti liivó fái í ngáá tí Ngalá ndiilɛ́i fáitii kɛ, aá lɔ́ ngáá faa vánda ti haáw̃a, sífaa tiyá lɔɔ vá ɣɛ́ma Ngalá ngéle.

Nungái sítii ti liivó fáá wálai i ngáá tí híya ngáá Ngala sávai i lɔ́ve faa kpɛ́lɛɛ mbá, aá lɔ ngáá faa vánda ti haáw̃a, sífaa Ngalá tɔ́ɔ vá ti liivó fáitii kpɛ́lɛɛ kɛ́ma ti yɛ.

Kɛ́ nyá lɔ́ɔ nde náa wú w̃á ngáá wú ló ngáá nungái sítii ti hilíngɔ ngáá wú ye. A Ngala fɛ́li sítii mbɛ táá faa bá nda wú w̃á.

“Nungái sítii tí kɔ́lɔ ngáá faa vánda fíli aa ti h̃u Ngalá ngaah̃ú, aa lɔ́ ngáá faa vánda ti haáw̃a, sífaa Ngalángi w̃ásandai lɔ́ ti haáw̃a.

Nungái sítii tíwaa ndowah̃u batɛ́ mbo, aá lɔ́ ngáá faa vánda ti haáw̃a, sífaa Ngalá tɔ́ɔ vá lokohéima tí wu ngáá ngi léngaa.

Nungái sítii ti w̃ááw̃aanungɔ, aa lɔ́ ngáá faa vánda ti haáw̃a, sífaa Ngalá tɔ́ɔ vá ti liiyápɔpɔma.

Nungái sítii tíwaa faa bá ndá ti w̃a sífaa táá híya nɔ́ɔ ngáá Ngala sávai, aá lɔ́ ngáá faa vánda ti haáw̃a, sífaa Ngalángi w̃ásandai lɔ́ ti haáw̃a.

Nungái sítii tíwaa nungáá yaah̃ú w̃ááwaanu hóu, aá lɔ́ ngáá faa vánda ti haáw̃a, sífaa Ngalá tɔ́ɔ vá ti yaah̃ú w̃ááwaanu hóuma.

Wá bɛ́lɛ aá lɔ́ ngáá faa vánda wú haáw̃a ná nungáá taa wú yɛ́ɛ́li, ti wú w̃áánɔw̃ɔ, tí ndɛɛ́ híí ỹɔu ỹɔu kpih̃íw̃aa vɛ́lɛ wú w̃á, sífaa nɔɔ́ wú ngáá pólu yelaa. Faí nátii tɔɔ́ bɔ́ɔ́ ɣɛ ngáá wú ye, wú líílangɔ í ɣɛ́ la, wú kóóh̃unɛɛ gúla bɔw̃álale wú gúlasuunumai wála yangí í wɔ́ɔ́lɔ í ngelegóóh̃u. Ngimɔ́ɔ́ nɔ́ɔ wɔ́lɔ tɔ́ɔ faa bámaitii nda Ngalá ndaa háá lé mbélaitii má, tiyɛ́i ti ɣɛ́i wɔ́lɔ na, ná h̃u taá nɛ́ɛ ɣɛi wú léni.”

Nungái sítii ti h̃u áá wɔ́ɔ́lɔ, aá lɔ́ ngáá faa vánda ti haáw̃a, sífaa tiyá lɔɔ vá Ngala kúúlongaitii maahɔ́lɔma.

Jísu í mɔ́ɔ́ ɣɛ ti w̃a, “Wá lɔ́ ngáá kpolo ɣɛ kíli nuu kpɛ́lɛɛ fááw̃a. Kɛ́ ná kpoloí yéélei áá gúla mba, aa ɣelé kɛ náa áá mɔ́ɔ́ ɣɛ yeeleni? Ná ná áá ɣɛ́, kɛ ngangí wálaa mba. Faalɔ, taá píli yaá í ɣɛ́ ngáá nungáá gɔwɔ́ wú ỹáni.

Faalɔ, kɛɛlɛ́ ngá laa ɣɛ́ wú gɛ́ɛ́hɔ pándai wa, kíya nɔ́ɔ wú Kɛ́ɛ́ɣɛ Ngalá ngí ngelegóóh̃u kɛɛlɛ́ ngáá ngi gɛ́ɛ́hɔ pandaí wa.”

Faa fíli sú, a lúw̃a nɔ́ɔ ná wáá ɣɛ́ wáá kɛ ɔɔ wú léle ná wɔ́i ɣɛ́ wáá kɛ. Kɛ́ ná láá lé, ngoo véka fíli wáá ndé mɔ́ɔ ná vólu, kɛ ná áá ɣɛ gulaí nuí síí w̃ɔ́i yaá taa ɣɛ́ ma Nyaama W̃ɔ́i.”

Jísu í mɔ́ɔ́ ɣɛ ti w̃a, “Wú sí ỹɛ́ninga tɔ́ɔ́ nde wɔ́lɔ, ti ɣɛ́ ta, ‘Nuí yáá nuu yááh̃u gɛ́hɛ yiláángi gúla su, kɛ yá bɛ́lɛ ti í ndái yiláángi gúla su, nuí yáá nuu láángɔlu yiláángi gúla, kɛ yá bɛ́lɛ ti í ndái yiláángi gúla.’ Kɛ́ nyá lɔ́ɔ́ nde náa wú w̃á ngáá, wálaa kule gulá mbó nuu fíli má áá báɣa wú w̃á. Ná nuu fíli áá í yísa h̃uu véle laabákalangi bóólɛ, bɛlɛ́ mɔ́ɔ maa w̃ɔ́i í í gɔ́vɔ h̃uu véle laabákalangi bɛ́lɛ kpóólɛ.

Náá hááw̃a, ná í yísa h̃uu véle yaah̃úi lɔ íwaa kɛ́ ngáá háwu yáá faa ỹɔ́i ɣɛ, kɛ kulá su, yí pilí, sífaa maanɛ́ɛ́ngɔɔ lé í búsai yá ngí vɔ́ɔ́la, í lɔ́ve sí wa í búsai yafɔ́ningɔ áá ló, aáva Ngalá ngí víli njahááma. Ná mɔ́ɔ í yísa lokói lɔ íwaa kɛ́ ngáá háwu yáá faa ỹɔ́i ɣɛ, kɛ tevé mba, yí píli, sífaa maanɛ́ɛ́ngɔɔ lé í búsai yá ngí vɔ́ɔ́la, í lɔ́ve sí wa í búsai yafɔ́ningɔ áá ló aáva Ngalá ngí víli njahááma.”