Populiarios Biblijos eilutės iš Jɔ̃́ɔ́ 4

Dalintis

Gèɖèpɔ́ɔ̀ mɔ̀ Zùù, ké nyɔ ɓě ɓɛ́ wa ɓiè ɔ kɛɛ ɓéɖé ɓɛ́ wa ké ɔ ɓiè ɖé Zùùɔ̀ mú ɔ kè ɖé jǎà mú.”

Kɛɛ ti ɖò nì dyiɛń, ké tiɔ̀ ɖǎ nyini nɔ̀ɔ̀. Ɔ mɔ̀ ti ɓɛ́ nyɔ ɓě ɓɛ́ wa ɓiè Ɓǎ jɛ́ɛ́ɔ̀ kɛɛ mu ɔ ɓièìn ɖé zùǔn ɔ kè ɖé jǎà múɛ. Ɓiè-nyɔ̀ ɓě ɓɛ́ Ɓǎɔ̀ mɔ́ ɓɛ́ wa ké ɔ ɓièɛɛ nìàǒ wɛ̀.

kɛɛ nyɔǔn séín ɓɛ́ wa ná ní ɓɛ́ ní muà wa nyíìn nyɛɛ, ní-ná-tò se wa nyuɛ́ mu ɖe fɔɔ, sepóɛɖé ní ɓɛ́ ní muà wa nyíìn nyɛɛ mu ní-dù ɓɛ́ ɔ mu wa sè-ná-sèɛ̀ fɛ̀ɛ̀ nyíìn nyɛɛ jǔùn ɖé wa mú.”

Ké Jízɛ̀ zà ma ɖé wuɖu, ké ɔ ɖá, “M̀ dyiɔ́ ɖɛ ɓɛ́ Gèɖèpɔ́ɔ̀ nyí nyɔǔn wɛ̃ ɔ kè nyɔ mɔ̀ nyɔ nìà m̀ ní zɔ̀ǐn nyɛɛ dyí dyuò ní, nìí, nì muɔ́ má ɔ ɖɛ zɔ̀ìn, ké ɔ muɔ́ má m̀ ní ɓéɖé fɛ̀ɛ̀ kɛɛ nyíìn.”

Ké Jízɛ̀ cɛ̃ɛ ma wa gbo, ké ɔ ɖá, “Ní ɖii-ɖɛ̀ɔ̀ mɔ̀ ɓɛ́ ḿ ké nyɔ mɔ̀ nyɔ ɖoɓoà ḿ wɛ̃ɛ mɔ́ɔ́-ɖɛ̀ nyu, ɔ kè ɓɛ́ ḿ ké kũ̀à ɓɛ́ ɔ nyíà ḿ ɓɛ́ ḿ kéà nyuɛɛ nyuɛ hwɔ.

Hwɛ̀ ké màaɔ̀ cɛ̃ɛ ma ɔ gbo, ké ɔ ɖá, “Ɓɔ̌ɔ̀, m̀ se gbǎ-wĩín ɖò ɓéɖé, ké ní-ɓìɔ̀ tɔ̀mɔ̀ mú. Dɛ̌ nì mu ní ɓéɖé fɛ̀ɛ̀ɔ̀ zàùn wɛ̃́?

Ké màaɔ̀ cɛ̃ɛ ma ɔ gbo, ké ɔ ɖá, “Ḿ dyuò kà Mɛ̀sádyà ɓɛ́ wa ɖáìn Kɛ́ɖɛ́ì kɛɛ mu dyiìn nyɛ. Ɔ dyi dyiín, ɔ mu à ɖɛ séín gbo cɛ̃ìn.” Hwɛ̀ ké Jízɛ̀ cɛ̃ɛ ma ɔ gbo, ké ɔ ɖá, “Mɔ̄ nìà m̀ gbo wùɖùɛ̌n nyɛɛ, ḿ mɔ̀ ɔ mɔ̀.”

“Ɓě dyi, ɓɛ́ ɓě ké gàa ɓɛ́ ɔ cɛ̃ ɖɛ séín ɓě ɓɛ́ ḿ ɖǎǒ nyuɛɛ jè ḿ gboɛɛ dyé. Ɔ ɓɛ́ìn Kɛ́ɖɛ́ìɔ̀ jǔɛɛ̀?”