Populiarios Biblijos eilutės iš Luka 3

Dalintis

Rîrîa andû onthe maarîkirie kûvatithua, Jesû nîwacokire akîvatithua. Na vîndî îrîa avoyaga Ngai, îgûrû nîrîavingûkire na Roho Mûtheru akîmûnyûrûrûkîra ekariî ta ndutuura. Naguo mûgambo nîwaumire na îgûrû ûkiugaga atîrî, “We nîwe Mûrû wakwa ûrîa mendete; nie nîngenetue nîwe.”

Nwatî Johana nîwerire andû onthe atîrî, “Nie nîmûvatithagia na manjî, nwatî ûrîa mûnene kûngîra nîaûkîte. Na nie ndirî mwagîrîru wa kwovora ndigi cia iratû ciake. Ke akaamûvatithagia na Roho Mûtheru na mwaki.

Îkani ciîko irîa ikwonania atî nîmwîrirîte mevia menyu. Mûtikambîrîrie kwîîra na ngoro cienyu atî, Iburahimu nîke îthe wenyu wa tene. Nie nîramwîra atî Ngai nwa oce mathiga mama na athondekere Iburahimu ciana kuuma kûrî mo!

Wana rîu îthanwa nîrige gîtinarî Kîam mûtî. Kwoguo mûtî wa wonthe ûtaciaraga maciaro maro, nîûgûtemwa na wikue mwakirî.”

Wata ûrîa mûrathi Isaia aarathire akiuga atîrî, “Kûrî na mûndû ûranîrîra werûrî akauga: ‘Varîriani njîra ya Mwathani; na mûrûngarie tûcîra twake! Cianda cionthe nîigeecûrua, na irîma cionthe na tûrîma tûvaraganue. Nakuo kûrîa gûtarî kûrûngarû kûrûngarue, na kûrîa gûtarî kwaraganu kwaraganue. Nao andû onthe nîmakoona ûvonokio wa Ngai!’ ”