Populiarios Biblijos eilutės iš Joh 12

Dalintis

Mûndû wa wonthe ûndungatagîra nwa nginya anûmîrîre nîguo varîa nîrî ndungata yakwa îthagîrwe nîvo îrî wa nayo. Nake Vava agaatîîaga mûndû wa wonthe ûrîa ûndungatagîra.

Mûndû wa wonthe wendete mwoyo wake nîakaaûrwa nîguo, nwatî mûndû wa wonthe ûmenete mwoyo wake arî gûkû nthî nîagaûtûûria tene na tene.

Nie nîramwîra na ma atî, mvîndî ya ngano îkaraga îrî wa yonga îngîrega kûvandwa mûtheturî na îkue. Nwatî îngîkua, nîîciaraga maciaro meengî.

Nie mbûkîte ta ûtheri gûkû nthî nîguo andû onthe arîa mambîtîkagia matigekare ndumarî.

Mûndû wa wonthe angîgua ndûmîrîri yakwa na arege kûmîathîkîra, ndingîmûtuîra. Nie ndiaûka gûtuîra andû nwatî naaûkire kûmavonokia.

Mariamu nîwocire mûcuva warî na maguta maanungaga waro na ma goro, akîmetîrîria magûrûrî ma Jesû. Mariamu nîwagiririe maguta magûrûrî ma Jesû na njuîrî ciake. Naguo mûnungo mwaro wa maguta mau nîwecûrire nyomba yonthe.

Kwoguo nîmoocire mathîgî ma mîkîndû na makîthiî kûmûtûnga makîanagîrîra atîrî, “Hosana! Kûrathimwa nî ûrîa ûkîte na rîîtwa rîa Mwathani! Kûrathimwa nî Mûthamaki wa Isiraeli!”

Nake Jesû nîwamerire atîrî, “Îvinda nîrîkinyu Mûrû wa Mûndû avewe riiri.