Populiarios Biblijos eilutės iš मत्ती 8

Dalintis

यीशुये तिन्हांने गलाया, “अरे कमजोर बिश्वासिओ, तुहें इतणे डरीरे काँह ये?” फेरी तिने खड़ा हुईने तूफाना जो कने पाणिये जो डान्टया, कने चऊँ पासयां शान्ति हुईगी।

सेनापतिये जबाब दित्या, “नां प्रभु, नां हऊँ इस आदरा लायक निआं, भई तुहें मेरे घरें आओ, तुहें सिर्फ मुँआं ते बोल्ली देआ, कने मेरा दास्स ठीक हुई जाणा।

ये सुणीने यीशुये जो चम्भा हुया, कने सै जे तिसरे पिच्छे आई कराँ थे तिन्हांने बोल्या, “हऊँ तुहांजो सच्च बोलां, भई मुझे इस्राएल देश में इक बी येढ़ा माहणु नीं मिलया, सै जे गैर-यहूदी माहणुए साई माह पर भरोसा करां।

फेरी यीशुये तिस सुबेदारा ने गलाया, “घरौ जा, तेढ़ा जे तेरा विश्वास आ, तियां इ तेरे खातर ओ।” कने तिसरा दास तिस इ वगत बमारिया ते ठीक हुईग्या।

ये देकखीने चेले हैरान थे, तिन्हें इक दूये ने बोल्या, “ये केढ़ा माहणु आ? आन्धी तूफान कने पाणी तक इसरी गल्ल मन्नां ये।”