Populiarios Biblijos eilutės iš लूका 19

Dalintis

काँह्भई, माहणुये रा पुत्र यनि हऊँ परमेशरा ते दूर हुईगरे लोकां जो अनन्त सजा ते बचाणे, कने तिन्हारा छुटकारा करने आईरा।”

“भला हो तिस राजे रा, सै जे प्रभुये रे नौआं ते औआं!” “स्वर्गा च सुख शान्ति, कने परमप्रधान परमेशरा री जय-जयकार ओ!”

यीशुये तिस्सो गलाया, “आज्ज परमेशरे इस परिवारा रा छुटकारा कित्या, काँह्भई तैं बी परमेशरा पर विश्वास कित्या तियां जे तुहांरे पूर्वज अब्राहमे कित्या था।

ताहली जे यीशु तिसरे नेड़े आया, तां तिने डाल़ा रे ऊपर जक्कईये जो बैठिरा देख्या कने तिसरा नौं लेईने हाक पाई, “जक्कई! छोड़चा ने थल्ले औ! काँह्भई आज्ज ये जरूरी आ भई हऊँ तेरे घरें रऊँ।” जक्कई इकदम थल्ले उतरया कने बड़िया खुशिया ने यीशुये जो अपणे घरें लैईग्या।

जक्कई रोटी खान्दे वगत खड़ा हुईने प्रभु यीशुये ने बोलणे लगया; प्रभु जी, देक्खा हऊँ अपणिया धन-दौलता रा अधा हिस्सा गरीबां च बंडी देआं, कने जिस किसी रा जे मैं धोखा करीने लैईरा तिन्हांजो मांह चार गुणा वापस करीने देणा।

लोकां रे तिस भीड़ा च मौजूद किछ फरीसी गलाणे लगे, “गुरू जी, इस तरिके री गल्लां बोलणे खातर अपणे चेलयां जो थिड़क!” यीशुये तिन्हाजो जवाब दित्या, “हऊँ तुहांजो बोलां, जे ये लोक चुप हुईगे तां पत्थराँ जय-जयकार करने लगी जाणा”