Populiarios Biblijos eilutės iš लूका 12

Dalintis

इस खातर तुहें बी त्यार रौआ काँह्भई माहणुये रे पुत्रा येढ़िया घड़िया औणा तिसरे बारे च तुहें सोच्ची बी नीं सकदे।”

पर परमेशरा रे राज्जा री लालसा करा, तां ये सारा किछ तुहांजो मिली जाणा।

फेरी तिन्हें गलाया, “चत्तन होआ! तुहांले सै जे निआं, तिसरा लालच नीं करा। काँह्भई जादा धन-दौलत किसी रिया जिन्दगिया जो नीं बचाई सकदी।”

तित्थी जे तुहांरा धन आ, ऊथी तुहांरा मन बी लगीरा रैहणा।

तुहां चते येढ़ा कुण आ, सै जे चिन्ता करने ते अपणिया जिन्दगिया च इक पल बी बधाई सक्कां?

फेरी तिने अपणे चेलयां ने बोल्या, “इस खातर हऊँ तुहांजो बोलां, भई अपणे प्राणा रे खातर ये फिक्र नीं करयां भई अहें क्या खांगे, कने शरीरा रे खातर भई क्या पैहन्गे।

परमेशर जाणाँ भई तुहांरे सिरा पर कितणे बाल़ ये, इस खातर तुहांरी हानि करने औल़यां माहणुआं ते नीं डरा; काँह्भई परमेशर तुहांजो कई चिड़ियां ते जादा मुल्यवान समझां।

“इस खातर भेडां साई भोल़े-भाल़े, मेरे छोट्टे झुण्डा! मता घबरान्दे, काँह्भई तुहांजो स्वार्गा रा राज देणे च पिता परमेशरा जो बड़ा नन्द औआं।

कावां पर ध्यान देआ; सै न त बिजाई कराँ ये, न कटाई कराँ ये, न भण्डार भराँ ये; तां बी परमेशर तिन्हौं पाल़ां, तुहांरा मुल इन्हां पंछियां ते कई गुणा जादा!

कने खाणे री फिक्र नीं करा भई क्या खांगे या क्या पींगे, कने न सन्देह करा।

इस खातर जे परमेशर जंगली पौध्यां जो, सै जे आज्ज ये, कने कल अग्गी च पाई दित्ते जाणे, इस तरिके ने सजां; तां ओ कमजोर विश्वासियो, सै तुहौं काँह नीं पैहनांगा।

सै बगत आई कराँ तिस बगत जे सारी गल्लां जो सामणे परगट कित्या जाणा; कने सै किछ जे लकोईरा, सै लोकां रे सामणे ल्याया जाणा।