Populiarios Biblijos eilutės iš यूहन्ना 5

Dalintis

हऊँ तुहांजो सच्च बोलां, सै जे मेरा बचन सुणीने मेरे भेजणे औल़े पर विश्वास कराँ, सै अनन्त काल रा जीवन पां; कने तिस पर सजा रा हुक्म नीं हुन्दा, पर सै अनन्त काल रिया मौती ते बचीने पैहले तेई नईया जिन्दगिया च दाखल हुई चुक्कीरा।

ताहली जे यीशुये तिस्सो देख्या कने तिसरे बारे च सारा हाल जाणीने भई ये कईयां साल्लां ते इसा हालता च पैईरा, तां तिने तिसते पुच्छया, “क्या तू ठीक हूणा चाँह?”

तुहें पवित्रशास्त्रा च टोल़ां ये, काँह्भई तुहें समझां ये भई तिसच तुहांजो अनन्त जीवन मिलां, पर ये सारे पवित्रशास्त्र मेरी इ गवाही दें; फेरी भीं तुहें अनन्त जीवन पाणे खातर मेरले नीं औणा चाहन्दे।

यीशुये तिसजो गलाया, “उट्ठ, अपणी चट्टाई चक्कीने चल फिर।” सै माहणु इकदम ठीक हुईग्या, कने अपणी चट्टाईया चक्कीने चलने फिरने लगया।

इस पर यीशुये तिन्हांजो गलाया, “हऊँ तुहांजो सच्चाई दस्सां, भई पुत्र यनि हऊँ खुद अपणे आप किछ मनी करी सकदा, सै सिर्फ तियां कराँ तेढ़ा जे सै पिता परमेशरा जो करदे देक्खां; काँह्भई तिन्हां-तिन्हां कम्मां जो जे सै कराँ तिन्हांजो हऊँ पुत्र बी तियां इ कराँ।