Populiarios Biblijos eilutės iš Yokana 14

Dalintis

“Ango atie weko wu kede mulem, amio wu mulem na, likame bala kite kame piny mio kede. Cunyu kur poti, doko kur ibedunu kede lworo.

Yesu oko dwoko ne gi be, “Ango en yongayo, ateni kede kuo; likame tie ngatamoro kame bino but Papa di likame ebeo kibuta.

Yesu oko waco ne josiao mege be, “Cunyu kur poti, yeunu Rubanga, di ikounu yei ango da.

Do Ngakony, kame obedo Tipo Kacil kame Papa bino cwano i nyinga, bino pwonyo wu i gi dedede di eko mino wu iyutununu gi dedede kame ango atieko waco ne wu.

“Ngat kame mako cik na di eko lubo, en ngat kame mara. Ngat kame mara, Papa na da bino mare, ango da kikoma abino mare di ako bino nyutere bute.”

Ango abino kwano Papa, di en eko mino wu ngakony ace, kame bino bedo kede wu nakanaka. En ebedo Tipo me ateni, kame jo me piny ni likame twero udo, pien likame kitwero nene arabo ngene. Do wun ingeunu en, piento en etie i diere wu.

Gimoroni kame ibinunu kwano i nyinga, ango abino timo tetekeny jo mi Papa deyo pi Wode. Ka ikwaunu gimoro i nyinga, abino timo.

“Ka imaranu, ibinunu gwoko cik na.

I ot ka Papa na, tie iye agolai atot; ka koto di oudo likame kamanono, koto likame awaco ne wu be atie ot iiko ne wu kabedo.

Ka ango aoto ako iiko ne wu kabedo, abino dwogo ako omo wu atero wu kakame ango atie iye, di wuda ikounu bedo kuno.

Tomasi oko waco ne be, “Rwot, ka do ber wan likame ongeo kakame in itie ot iye, otwero do ngeno yongayo mere benyo?”