Populiarios Biblijos eilutės iš GÉNESIS 9

Dalintis

Taita Diosca, cashnatapashmi nijurca: “Ñuca ari nijushcataca cangunahuan, shinallata cangunahuan tiaj causaita charij tucui animalcunahuan, causaita causaicaman pactachishpa callarichinatami, caica ricuchijun: Ñuca cuichitaca, fuyupimi churarcani. Cai cuichimi ñucahuan, cai pachahuan ari nishcata ricuchijunga.

Fuyupi cuichita ricushpami, Taita Dios ñucahuan, causaita tucui charijcunahuan, cai pachapi tucui causajcunahuan, causaita causaicaman ari nijushcataca yarisha” nijurcami.

Yahuarta jichashpa runata maijambash huañuchishpaca, paipash runapaj maquipillatami yahuarta jichai tucushpa huañunga. Runataca, Taita Diosman rijchajta rurashcamandami, chashna canga.

Taita Diosca, Noé shuti runatapash, paipaj churicunatapash, cashna nishpami bendiciarca: “Ninanda mirashpa, ashtacacuna tucushpa, cai pachapi jundaichi.

Causaita charishpa tucui cuyurijcunaca, canguna micungapajmi canga. Micuna verde jihuacunata, imalla verdella viñashcacunatapashmi, canguna micuchun tucuillata curcani.

Cai pachapi tiaj tucui animalcunaca, ninandami cangunataca chujchushpa manllanajunga. Jahuata rij alasyu tucui animalcunapash, cai pachapi causaita charishpa cuyurinajuj tucui animalcunapash, mama cuchapi tiaj tucui pijicunapashmi manllanajunga. Chaicunataca, cangunapaj maquipimi curcani.

Ashtahuangarin cangunaca, ninanda mirashpa ashtacacuna tucuichilla. Cai pachapica, ashtaca ashtaca huahuacunata charishpa, ninanda miraichilla” nijurcami.