Populiarios Biblijos eilutės iš UMOZHIGO 1

Dalintis

Nazhɛ Agwatana hiɛŋ, Mizha tɛ njɛ ma bụtụ nụ ụsụbwa tu, maa ma tụ sụba, aba zhɛ a 'yaga ụhwada ijɛnɛ, ta shanụnụ, ti iyimabiga, ti iyi cɛnjɛ kpaaŋ keeni iyi nɛ yo hombilo na cɛnjɛ. Gabata Agwatana karɛ ga butubwenyi ne biyikwo a na sụbɛ bụ ni ikɛnyi ibwɛ.

Nazhɛ Agwatana peni aŋ uwebiye, bɛɛ hiɛŋ, Na mata ma miaụŋ duwa maa hi na kaana ufwugwo, iwɛ maa ajalalo hiŋ shini unyizo ga, maa hi leshegeji uŋ. 'Yaga ma ụhwada ijɛnɛ, na shanụnụ keeni iyi nɛ ya hwungwa nɛ ya nda bulama na cɛnjɛ tu unyizo.

Aka na Agwatana karɛ azuba keeni unyizo nu umozhigo.

Unyizo namɛ bohondo uzawa iyi ye elele, meni na mi iri mu urigeni ofwo elele, ofwo elele kaa shɛ tishi kpirim, ibɛ Mpiala ma Agwatana mo rungo na azuba meni.

Nazhɛ Agwatana hiɛŋ, Go uhioko-uhwaŋna nama, nazhɛ uhioko-uhwaŋna namɛ.

Agwatana kwụbɛ iyi elele nɛ baa njɛ maa i zhɛmɛ tebiye. Ụrụmɛ namba, uvwungwa namba, ụjita ucihiŋ ta.

Ta Agwatana kwụbɛ maa uhioko-uhwaŋna ata zhɛmɛ, boo bogwu uhioko-uhwaŋna ne tishi.

Nazhɛ Agwatana hiɛŋ, N hi peni i'wɛ'wɛ ye elele nɛ ya 'wala nɛ 'yajɛ izɛgwu na amɛ ibɛ, iyimɛyɛ hiŋ tɛ.

Agwatana po uhioko-uhwaŋna izeci maa uwaŋna, boo po tishi izeci maa ụjita. Ụrụmɛ namba, uvwungwa kaa namba, ụjita uhiiŋ ta.

Nazhɛ Agwatana hiɛŋ, ga araranga nama na ashashɛ maa e shiri ogwungwu ne meni ma azuba na mu na mɛ cɛnjɛ.

N hi peni isundɛ ehilo ye elele, ti iyi elele nɛ yo hombilo keeni shanụnụ she elele, ta ambɛ, ta abụba i'wɛ'wɛ maa hi na ya. Yaa shɛ ga gana ata.

Nazhɛ Agwatana hiɛŋ, Ge iyi nɛ ya pana uhioko-uhwaŋna nama na tụla, maa i bogwu uwaŋna nụ ụjita, maa i nama apata iwɛ aka, ti iwɛ ushwo, ti iwɛ uvwaza, ti iwɛ iyi-tuholo keeni iwɛ shiywa.

Nazhɛ Agwatana hiɛŋ, Ga ambɛ, ni i'w'ɛwɛ ye elele nɛ 'yajɛ izɛgwu keeni inɛɛ nɛ ya 'wala unshɛ na cɛnjɛ. Yaa shɛ ga gana ata.

Agwatana ga njɛ araranga ata, bee shiri ogwungwu na ashashɛ meni mu na mu namɛ na cɛnjɛ tuta ta araranga ata, ne meni mu na mu namɛ na azuba araranga ata. Yaa shɛ ga gana ata.

Ibɛ po ambɛ unshɛ na cɛnjɛ keeni i'wɛ'wɛ ye elele nɛ 'yajɛ izɛgwu. Agwatana kwụbɛ maa i zhɛmɛ.

Nazhɛ Agwatana njɛ ga iyi i'wɛtwɛ iyebi nɛ ya pana uhioko-uhwaŋna, maa ga inɛ i'wɛtwɛ 'yaga ụhwada iyi-tuholo, maa tuba inɛ gwumwa 'yaga ụhwada iyi-turumono; baa njɛ du mkpasu.

Nazhɛ Agwatana hiɛŋ, Ge meni mu na mu namɛ tuta ta azuba mu sutono urubwo uko, maa cɛnjɛ tu hwoo tu banɛ. Yaa shɛ ga gana ata. Nazhɛ Agwatana po cɛnjɛ ta ata tu hwoo izeci maa Cɛnjɛ tu unyizo, boo po meni ma ata bee suteni urubwo uko izeci maa Ntokwu. Agwatana kwụbɛ maa i zhɛmɛ.

Nazhɛ Agwatana peni iŋ uwebiye hwɛɛ, bɛɛ hiɛŋ, Ge iyi-uumwa nɛ zweni ne meni na mata duwa maa i shini itekwu. Bɛɛ hiɛŋ, Ga shanụnụ shɛ na kaana ufwugwo tugombo na cɛnjɛ tu unyizo.

Nazhɛ Agwatana hiɛŋ, Ge iyi-uumwa swoswoswo nama na cɛnjɛ, ibɛ shɛ iyimabiga, ti iyi nɛ yo hombilo, ti isundɛ ehilo. Yaa shɛ ga gana ata.

Nazhɛ Agwatana hiɛŋ, Ge iyi-uumwa swoswoswo shini ne meni, ga shanụnụ shɛ na hila na azuba.

Agwatana karɛ iyi-uumwa swoswoswo, ti iyimabiga, ti iyi ye elele nɛ yo hombilo na cɛnjɛ, Agwatana kwụbɛ maa i zhɛmɛ.