Populiarios Biblijos eilutės iš Mɑtʉ̈ɔ 15

Dalintis

Lɑ́, yúu mi ɛ́ fúnɛ ntsu-ŋu ńcẅɛt, ɛ́ fú tsɛt tʉ́m yɛ́, yɛ́tɛ́ níꞋnɛ lɔ́Ꞌ nǔu ŋɡɑŋ. MbíꞋŋɡɔ mɛkwɑŋɛ kɛpɔŋ zɛɛ ńcẅɛt pɔ tsɛt tʉ́m-ŋu, mîmɑ́ tsʉ́ʉnɛ́nɛ ŋu ɑ jẅí wɛcɔ́, ŋ́ɡɛ ɡɑp, mbɛ́ɛnɛ lɔɔ pɑŋɡɛ́, pɑŋɡɛ́ lɔɔ mbɛ́ɛnɛ, ɑ jʉ̈ɔ, ńcɔt nu zʉꞋ yí pɛ́ ŋɑknɛ mɛtsɑŋ zúꞋu, ŋ́ɡúunɛ ŋu.

yúu mi ɛ́ fúnɛ ntsu-ŋu ŋ́kúu nɛpɛm wɛ́, kɑ́ pʉ́ʉpɛ wɛ́ pɔ́, yi ɛ́ cẅɛtnɛ ntsu wɛ́ pʉ́ʉpɛnɛ wɛ́.»

«Pʉɔ pɔ lɔk pɔ ndɑꞋ ntsu wɔ́p ŋ́ɡúꞋlɛ wɑ́ɑ, tʉ́m yɔ́p kɑ́ pɔ́ nǔu mɔ pɔ́. Pɔ́p sɛ́ ŋ́ɡúꞋlɛ wɑ́ɑ lɑ́ nu kɑ́ pɔ́ nǔu pɔ́, ntɛ́ nu yí pɔ́p níꞋnɛ tú ńzíꞋ pʉɔ nɛ́ yúu tɛꞋ lɑ́, ɛ́ pɔ́ pɔ yɛ́ pʉɔmɛsɔŋ.»

Yɛ́su ɡɔ́ɔ ŋ́kɛ́ ńtsɔ́Ꞌ ŋɡɔ: «Mɑ́ɑmɑɑ! Ɔ zɑ́p tʉ́m nǔu mɔ tɛꞋ. Ɛ́ pɔŋ ŋɡɔ yúu mi ɔ sɛ́ ńtsɑ́ɑ puutɛ!» Yɛ́su cú pɔ́Ꞌɔ, mɔ́ɔ-mɑŋɡɛ́ wɑ́ ɡɔ́ɔ ɛ́fíitɛ pɔ kwɑꞋ ŋkɑ́ ɛ̂yɑ́.

Lɑ́ mɑŋɡɛ́ ɛ̂wɑ́ tɔ́, ŋ́kẅíꞋlɛ sɛ́ mbi yɛ́, ńcú ŋɡɔ: «Tsɑpʉɔ cẅɛ́lɛ́ wɑ́ɑ!» Yɛ́su pʉ̈ɔt ŋɡɔ: «Ɛ́ kɑ́ pɔŋ nɛcẅɛ́ɛ yúupɛjʉ́ mbɔ́ŋkʉ̈ɔ́, ḿmɑꞋ mbɔ̌ mvú pɔ́.» Mɑŋɡɛ́ ɛ̂wɑ́ pʉ̈ɔt ŋɡɔ: «Ndɛ, ɔ cú sẅíinu lɑ́, mvú lɔ ńdɑklɛ mɛsɑɑ-yúu mi ɛ́ fúnɛ ndǔ tɑ́pɛlɛ-tɑ̌ɑ wɔp ḿvutɛ sɛ́.»