Populiarios Biblijos eilutės iš MAK 6

Dalintis

Hikani a tangaloi u rusa rau vanamai rau vano, vae i Jisas mana nona ngwalagelo vano hi a taroki tikei vohoki lakwara kwara rana kanikani. Hika mo kwaha maira mo viti “Ta vano vaki lo tanotano kahekita hinea a tangaloi tikei eia, tulu ne mala mabumabu te kelekele.”

I Jisas mo viti lakwara kwara, “A tangaloi vunuhi na vanua rau domi mavaki na tangaloi* duruduruki. Vae kehekeheki a tangaloi lo gwatui-vanuana mai rabelana mana nona vakabela rahe domi mavakinia tea.”

I Jisas mo galo hake tina aga, mo tagai na vao lakua hi, lolo domina u hakavira haburu vohoki huri aira hoki na sivsivi a kaitagahuriki tikei. Mo tinakaki mo huhuira kina kinau rusa.

Aia he vai lai te vaisea takwa-hi, kehekeheki u tau kabana lo tangaloi hinea rau lenga aira te kairua mo vakahikinira. I Jisas u idila haburu huri rahe hauhuri te luna. Vunu i Jisas mo lakao laliki mo tiroki na gwatugwatui-vanua takwa-hi, mo huhui na tangaloi.

Vunu i Jisas mo lavi na bereti hi kailima mana ikaki kairua, mo lalangao vaki lolo taetae, mo lagwaki God huri. Vunu mo volo utuutuhi na bereti vano hi, mo betekira lakwa na nona ngwalagelo kwara rana hileki lakwa na tangaloi. Vake mo kwaheki na ika hi kairua mo bete lakwara, ramo kani aira vunu. Aira vunu rau kani, vae rau kugwa. Vunu a nona ngwalagelo ramo hokoni na bereti hi mana ika hinea a tangaloi ramo kani dore a kete hangavulu dongwana kairua, rau kukwere.