Populiarios Biblijos eilutės iš MAK 13

Dalintis

Savi na tangaloi rana bega kikamu huriau. Vae ihe hi ne tu madimadi vaki lo gwereki ne ahi.”

Tulu tagataga tulu likoki, huri tulu he kikilai tea kwara a taroki ne maravuti kihokua.

Vae lolona rana kwiribibikamu rana lavikamu vaki lo tanotano na arekiana, tulu hatu domidomi haburu tomuaki kwara vae tulu ne viti a havakinau. A taroki ne vanamai, tulu neri viti a havakinau hi a Tanungwe Kokona ne bete lakwakamu, huri a leo vano hi tulu ne viti, hete nomiu, rana vanamai tina Tanungwe Kokona.

A taetae mana varamana vae raru ne tikei, vae a leogu nehe tikei lai te vohoki.”

Vunu i Jisas mo gweregwere na nona leo mo viti kwara, “Hete kwara te katukwale u kikilai kwara a raniki diko a taroki hi ne vanamai kihokua, hete kaihora tina taetae, hete a Natuki, aia a Tamaki kehekeheki u kikilai.

Lolona tulu ne rongo na roro na vuro garagarani mana roro na vuro vakahao, vae i kamu tulu hatu mataku. A kinau aira vano hi rana mule luna, vae a gweregwereki hete radu.

Tulu tagahuri ne karea, huri tulu he kikilai tea kwara a hugwe na ingwa hi ne mulemai kihokua. Ne mai mulemai te lolo raviravi, diko te lolo livukai-bongi, diko te luirani, diko lolo rovobongi. Vae diko ne maravuti lai nga ne hatu hagwekamu kwara tulu maturu. A havakinau hi nomo viti lakwakamu, nu viti lakwa na tangaloi doluaki. Tulu tagataga.”

A tangaloi na vanua katukwale rana vai vuro vovohi na tangaloi na vanua dolua, a hugwe na mamalukoro katukwale ne vai vuro vovohi na hugwe na mamalukoro dolua. Ne ruru vataha na mahagweki, ne gwakere. Vae a kinau aira vano hi aira hoki na natu vavine hinea a lolona mo tinakaki mo kadia ki natuna.

Tulu ne vai hokinia hi huri a Roro Karea ne kwalahakiana tomuaki lakwa na tangaloi na ureure rusa doluaki na varamana, vunu vari a rani ki rovonaki.

A tangaloi rusa rana vanamai lo hinagu, rana viti kwara, ‘I nau hika i nau i Vurae*,’ vae rana sina na tangaloi rusa.

“I kamu sibomiu tulu tagahuri ne karea. Vae a tangaloi rana kwiribibikamu rana lavikamu vaki lo nako na tangaloi tovotovo kwara rana arekikamu. Rana takwilikamu lolo vale* na tiutangaroa. I kamu tulu ne tu vovohi na tomuai-tangaloi na vanua rusa mana hugwe lalakua huriau, huri kwara vae tulu ne matangwasaraki na Roro Karea lakwara.

A Vurae kurakura mana tangaloi* duruduruki kurakura rana maraka, rana vai a kaivosangi mana idilakiana rusa kwara rana sina na tangaloi. Rana vai kwehini huri kwara vae diko rana hagwe na hala tea, rana sina na tangaloi hinea i God mo mataira vake.

Vunu i Jisas mo viti vake kwara, “Lo rani hinea takuni tina rongoana hati hi, a mataniaho ne dodoka, a vula nehe varama tea, a vitu rana sovi tina taetae, vake a kinau hinea rau huira lo mahaleki, i God ne vaira rana kusa tina tanotanoga.