Populiarios Biblijos eilutės iš LUKA 7

Dalintis

Tenei la, au e fai atu ki a koe, i te lasi o te alofa ne fakaasi mai ne te fafine, e fakapatonu ei a te uke o ana agasala ko oti ne fakamagalo. Ko te tino tela e foliki te mea ne fakamagalogina, ko te mea foki eiloa e foliki tena alofa e fakaasi.” Muna a Iesu ki te fafine, “Ko magalo au agasala.”

Ka ko Iesu ne muna atu ki te fafine, “Ko ola koe i tou fakatuanaki; fano la mo te manuia.”

kae ne tu mai tua i vae o Iesu, e tagi kae faka'sofi ifo ona loimata ki vae o Iesu. Ne fakamalo ne ia a vae o Iesu ki ona laulu, ne sogi ki vae, kae ne 'ligi te sausau ki luga i ona vae.

ko toku manatu foki me se 'tau mo au o fakaoko atu ki a koe. Ke fai mai fua tau fakatonuga, ko toe malosi ei taku tavini. Au foki, se tagata e nofo mai i lalo i pulega a takitaki ma'luga, kae isi ne sotia mai i lalo i a au. E fai taku fakatonuga ki te tino tenei, ‘Fano!’ ko te mea eiloa ko fano; e fai taku fakatonuga ki te tino tela, ‘Vau!’ ko te mea eiloa ko vau; kae fai atu foki taku fakatonuga ki taku pologa. ‘Fai te mea tenei!’ ko te mea eiloa ko fai.” Ne ofo a Iesu i te lagonaga ne ia a te mea tenei; ne takapili atu a ia kae ne fai atu ki te vaitino kola ne tau'tali atu i a ia, “Au e muna atu ki a koutou, me ka seki maua eiloa ne au se fakatuanaki penei i Isalaelu!”

I te taimi eiloa tena, ko tokouke a tino ne fai ne Iesu ke 'lei olotou masaki; ko masaki ma'sei, mo agaga ma'sei, kae ne faka'pula foki ne ia a mata o tino 'kivi e tokouke. Ne tali atu a ia penei ki avefekau a Ioane: “'Foki kae tala atu ki a Ioane a mea ko oti ne lavea ne koulua, mo mea foki ko oti ne lagona ne koulua: a tino 'kivi ko 'pula olotou mata, a tino 'pili ko mafai o sasale, a lepela ko 'lei olotou masaki, a tino 'tuli ko 'logo olotou taliga, a tino 'mate ko toe ola, mo te Tala 'Lei ko folafola atu ki tino ma'tiva.