Populiarios Biblijos eilutės iš Lʉʉka 14

Dalintis

“Ʉmuunhu jʉno ilonda kʉkʉmbɨngɨlɨla ʉne, ilondua kʉkʉngana ʉne kukila kʉkʉmʉghana ʉviise, ʉngʼina, ʉnʼdala ghwake, avaana vaake, na vanine na valʉmbʉ. Kange, ilondua kʉkʉngana ʉne kukila kʉkʉvʉghana ʉvwʉmi vwake.

Ʉmuunhu ghweni itavʉlaghe kʉkʉmbɨngɨlɨla ʉne na kupumusivua, nambe kʉʉve kwe kʉfua. Nave naivomba ʉluo, naangave mʼbɨngɨlɨli ghwango.

Ʉlwakʉva, ʉmuunhu ghweni jʉno ikughinia, ʉNgʉlʉve alamwisia. Neke ʉmuunhu jʉno ikujisia, ʉNgʉlʉve alamʉghinia.”

“Fye lʉlɨvuo na kʉlyʉmue, nakwale nambe jʉmo mʉlyʉmue jʉno anoghiile kuuva mʼbɨngɨlɨli ghwango, nave naafilekile fyoni fino alɨ nafyo.

“Nɨlʉvʉlanie vʉnofu, nave jʉmonga mʉlyʉmue ilonda kujenga, kyaivomba kɨki taasi? Taasi, itala kusaagha ifiinu fyoni fino filondua kujengela. Pepano ikughela nave alɨ ni ndalama isa kʉkwɨla kumala kujenga. Kɨsila kʉvomba ʉluo, ndepoonu ijenga lʉ lwalo, neke ikunua kumalɨsia kujenga. Apuo avakilasɨla vooni vikʉmʼbedagha, vitisagha, ‘Ʉmuunhu ʉjʉ akatengwile kujenga, neke akunilue kumalɨsia!’

Looli, pano ghulɨngʼhania ʉlʉlio, ʉvakemelaghe avakotofu, avalema, na vabofu. Apuo pepano ghuuva nʉ lufuunyo, ʉlwakʉva avuo vasila kɨmonga ɨkya kʉkʉhomba. Neke ʉNgʉlʉve ghwe jʉno ilikʉkʉhomba, pano alaava isyʉsia avagholofu.”

“Ʉmwinyo kɨɨnu kɨnono kulʉnga. Neke nave ghʉsʉpʉke lwoni, ndepoonu ghuvɨɨka kɨki kugomosia ʉlʉnoneesi? Ʉmwinyo ndavʉle ʉghuo, nsila mbombo kʉ lɨhanga, nambe kuuva fundila, looli ku kutaghua. Ʉnya kʉpʉlɨka, apʉlɨkaghe!”