Populiarios Biblijos eilutės iš - लूका 22

Dalintis

हे पिता जदि तें चाए तो जौ कटोरा मोरे ऐंगर से अलैदा कर ले, पर मोरी मनसा नईं पर तोरी मनसा पूरी होबे।

पर मैं ने तोरे लाने बिन्तवाई करी, कि तोरो बिसवास जात न रैबे: और जब तें फिरे तब अपने भईयन हां पक्को करिए।

फिन यीशु ने रोटी लई, और धन्नवाद कर के तोड़ी, और ऊ ने अपने चेलन हां दई और उन से कओ, जा मोरी देयां आय, जौन तुमाए लाने दई जात आय: मोरे सुमरन के लाने जौई करे करो।

ऐई भांत से यीशु ने ब्यारी के पाछें कटोरा सोई दओ, और उन से कओ जौ कटोरा मोरे ऊ रकत में जौन तुमाए लाने बहाओ जात आय नओ कौल आय।

और यीशु भारी संकट में व्याकुल होकें औरऊ हिये की गैराई से बिन्तवाई करन लगो; ऊकौ पसीना मानो रकत की बड़ी बड़ी बूंदन घांई धरती पे गिर रओ हतो।

पर तुम ऐसे न हुईयो, पर जौन तुम में बड़ो आय, बो हलके घांई और जौन परधान आंय, बो चाकर घांई बनें।

यीशु ने कओ; पतरस मैं तोसे कैत आंव, कि आज मुर्गा के बांग देबे के पेंला तें तीन बेर, ई बात से मेंट जै है कि तें मोय जानत आय।