Populiarios Biblijos eilutės iš - लूका 14

Dalintis

जदि कोऊ मोरे ऐंगर आबे, और अपने बाप और मताई और अपनी ब्यावता और बच्चन और भाईयन और बहनों और अपने प्रान को सोई अप्रिय न जाने, तो बो मोरो चेला नईं हो सकत।

और जौन कोई अपनो क्रूस न उठाए, और मोरे पाछूं न आबै; बो सोई मोरो चेला नईं हो सकत।

कायसे जौन कोऊ अपने आप हां बड़ो बना है, बो हलको करो जै है; और जौन कोऊ अपने आप हां हलको बना है, बो बड़ो करो जै है।

ऐई भांत से तुम में से जौन कोऊ अपनो सब कछु न त्याग देबे, तो बो मोरो चेला नईं हो सकत।

तुम में से को आय जौन गढ़ी बनाबो चाहत होय, और पेंला बैठ के हिसाब न जोड़े, कि गढ़ी बनाबे के लाने मोरे ऐंगर धन आय कि नईंयां? कऊं ऐसो न होबे, कि जब नी तो डार लेबे पर पूरो तईयार न कर सके, तो तकबेवारे जौ कै कें ऊहां हंसी में उड़ान लगें। कि जौ मान्स बनाने तो लगो, पर तईयार न कर सको।

पर जब तें भोज करे, तो गरीब गुरवन, टुण्डों, लगड़ों और अंधरन हां नेवता में बुला। तब तें धन्न हुईये, कायसे उन लौ तोहां बदला चुकाबे हां कछु नईंयां, पर जब धरमी जी उठ हैं तो तोहां ईकौ बदला मिल है।

नोंन तो साजो आय, पर जदि नोंन कौ स्वाद बिगड़ जाबै, तो बो कौन बस्त से स्वादवारो करो जै है। बो न तो भूमि के न खाद के लाने काम में आत आय: ऊ ए तो मान्स बायरें मेंक देत आंय: जीके सुनबे के कान होएं बो सुन ले।